Müsahibə
“Qarabağ” çox çətin rəqibdir” – “Aşdod”un baş məşqçisi
Konfrans Liqasında “Qarabağ”ın rəqibi olan “Aşdod” komandasının baş məşqçisi Ran Ben Şimonun futbolinfo.az-a müsahibəsi
- Konfrans Liqasında “Qarabağ”a rəqib oldunuz. Bu komanda haqqında bilirsiniz?
- Ümumilikdə Azərbaycan futbolu haqqında danışmaq istəyirəm. Bilirəm ki, sizin ölkədə futbol inkişaf edir. Milli komandanızın oyunlarını izlədim. Çox yaxşı təsir bağışladılar. “Qarabağ”a gəlincə, Avropa meydanlarında çox böyük təcrübəyə sahibdir. Heyətində yerli və əcnəbi güclü oyunçular var.
- “Qarabağ” sizin üçün çətin rəqib oldu? Püşkdən başqa komanda çıxmasını istəyərdiz?
- Bilirsiz, təcrübə baxımından “Qarabağ” çox çətin rəqibdir. Bu komanda dəfərlərlə Avropa Liqasının, Çempionlar Liqasının qrup mərhələsində çıxış edib. Yəni düşünmürəm ki, bizə rahat olacaq. Amma təcrübə futbolun bir tərəfidir. Futbolda xeyli başqa tərəflər var. Görəcəyik ki, necə olacaq.
- Sizcə, komandanız növbəti mərhələyə keçmək üçün nə etməlidir?
- Mən narahat deyiləm ki, çox adam “Qarabağ”ı üstün görür. Komandamın hazırlığı ilə məşğulam. Biz sadəcə meydana çıxıb yaxşı oynamalıyıq. Futbolda hər şey mümkündür və bu mərhələ iki oyundan ibarətdir. Yaxşı hazırlaşacağıq.
- Şansları rəqəmlə necə dəyərləndirərsiniz?
- Mənə görə bütün matçlarda şanslar 50-50-yədir. “Barselona”ya qarşı oynasan da, şanslar eynidir. Meydana çıxıb yaxşı motivasiya ilə yaxşı oyun oynamaq lazımdır. Düzdür, biz yüksək keyfiyyətlərə malik komandaya qarşı oynayacağıq. Amma bu oyunlara qələbə üçün hazırlaşırıq.
- Sizi İsraildə fanatlarınız dəstəkləyəcək?
- Koronavirusa görə çox azarkeş olacağı inandırıcı deyil. Lakin bir çox tərəfdarımız üçün bu matçlar çox maraqlıdır. Fikrimcə, Azərbaycanda da qarşılaşmaya maraq çoxdur.
AĞA
- Ölkə futbolu2024-05-06 10:08
“Dinamo” Mahiri satmaq istəyir, amma…
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Milli komanda2024-05-06 13:09
Aqolli: “Azərbaycanın rəqib seçilməsi doğru addımdır”