“Qarabağ”ın yeni transferi keçmiş komandası ilə vidalaşdı

Qış fasiləsində “Qarabağ”a transfer olunan Azərbaycan millisinin futbolçusu Aleksey İsayev keçmiş komandası “Sabah” ilə vidalaşıb.

Futbolinfo.az xəbər verir ki, 28 yaşlı yarımmüdafiəçi bu barədə şəxsi “İnstaqram” hesabında paylaşım edib.

O, paytaxt təmsilçisində çalışan hər bir əməkdaşa minnətdar olduğunu bildirib: “İndi hiss etdiklərimi söyləməyin vaxtıdır. Təəssüf ki, bir az gec oldu. Sadəcə, hər şeyi sözlə necə ifadə edəcəyimi bilmədim. “Sabah”a keçidimdə əməyi olan hər kəsə təşəkkür etmək istəyirəm. Allah hamınızı qorusun. Bu 4 il bir anda ötüb keçdi. Həm sevincli, həm də kədərli anlar oldu. Biz bunların hamısını birlikdə keçdik. Meydandakı hər bir komanda yoldaşıma da minnətdaram. Sizinlə oynamaq mənim üçün şərəf idi. Murad Musayevin rəhbərlik etdiyi məşqçilər korpusuna xüsusi təşəkkürümü bildirirəm”.

Xatırladaq ki, İsayev “Qarabağ”la 3,5 illik müqavilə imzalayıb.