Ölkə futbolu
“Qarabağ”la “Şamaxı”nın fərqli seriyaları
Misli Premyer Liqasında davam edən maraqlı seriyalar var. Son turun nəticələrindən sonra uğurunu və uğursuzluğunu davam etdirənlərin siyahısı daha da genişləndi.
Mövsümdə cəmi bir dəfə məğlub olan “Qarabağ” “Sabah”a yenilgidən sonra yeni seriya yaxalayıb – ağdamlılar 4 oyundur uduzmur. Qurban Qurbanovun yetirmələrinin daha bir uğuru qollarla bağlıdır. Çempionatın iki ən yaxşı bombardirinə heyətində yer verən çempion ardıcıl 19 oyundur qol vurur.
12 turdur xal bölməyən “Sabah”da ardıcıl qol vurma seriyası 11 oyuna bərabərdir. Komandanın son 5 matçda qələbələri sıraladığını da vurğulayaq.
Gümüş medalçı olan “Neftçi” daha yüksək yerlərə iddiasını itirəndən bəri azarkeşlərini məyus edir. Komanda ardıcıl 5 oyundur qol buraxır və bunu nəticəsində eyni müddətdə qələbə görməyib.
4-cü dövrədə əla sürət yığan “Qəbələ”nin də sanki “yanacağ”ı qurtarıb. Son 8 matçda heç-heçə etməyən komanda axırıncı 2 görüşdə xalsız qalıb. Komandanın son 7 oyunda qol buraxması da iddialıya uyğun statistika deyil.
“Zirə” çempionatdakı son matçları uğursuz bitirsə də, komandanın hücum xətti ümidləri doğruldur. Sadə səhvlərdən top buraxması əsas problemi olan komandanın ardıcıl 7 oyundur qol vurması onlar üçün yeganə sevindirici məqamdır.
Bir ara uğursuz seriya yaşayan “Turan Tovuz” 3 oyundur qalib gəlirsə, “Kəpəz” ardıcıl 4 turdur qol buraxır və qalib gəlmir.
Autsayderlərin statistikası ürəkaçan deyil. “Səbail” son 12 oyunun hamısında qapısında qol görüb. “Şamaxı”da bu baxımdan vəziyyət qismən yaxşıdır – onlar 4 tur əvvəl qapılarına qıfıl vurmağı bacarıblar. Əvəzində bölgə təmsilçisin ardıcıl 10 oyunda qalib gələ bilməməsi indi üzləşdikləri aqibətin əsl səbəbidir.
Statistika, seriyalar təsadüfi olmur, komandaların gücü məhz belə cədvəllərlə aydınlaşır. Uğurlar sabit olanda bu, yaxşı haldır, uğursuzluq sabit şəkildə davam edəndə isə…
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı