Digər
Şəfəq Hüseynlinin rəhbərlik etdiyi komitənin növbəti iclası Strasburqda keçirilib
Azərbaycan Milli Antidopinq Agentliyinin (AMADA) direktoru Şəfəq Hüseynlinin sədrlik etdiyi Avropa Şurasının gender bərabərliyi üzrə xüsusi komitəsinin (GECA) növbəti iclası keçirilib.
Futbolinfo.az xəbər verir ki, antidopinq sahəsində gender bərabərliyi standartlarının müəyyənləşməsi məqsədilə təşkil olunan tədbir Fransanın Strasburq şəhərində baş tutub.
İclasa Norveç, İrlandiya, Finlandiya, Polşa, Sloveniya və Rumıniyanın, həmçinin Ümumdünya Antidopinq Agentliyi (WADA), Beynəlxalq Olimpiya Komitəsi, UEFA, Avropa İttifaqının İdman Təşkilatı (EU Athletes), ABŞ-nin, Avropa Şurasının Gender Bərabərliyi Bölməsinin, Avropa Şurasının katibliyinin nümayəndələri və gender bərabərliyi üzrə ekspertləri qatılıblar.
Görüşdə Şəfəq Hüseynlinin müəllifi olduğu “Antidopinq sahəsində gender bərabərliyinin gücləndirilməsi” layihəsinin icrası istiqamətində görülən işlər və əldə olunan nailiyyətlər müzakirə olunub.
Sentyabrın sonunda WADA-nın İcraiyyə Komitəsinin və Təsisçilər Şurasının iclasının keçiriləcəyini xatırladan Şəfəq Hüseynli həmin tədbirdə GECA-nın fəaliyyəti barədə qurumun prezidenti Vitold Bankanın çıxış edəcəyini vurğulayıb.
Qeyd edək ki, GECA-nın bundan öncəki iclasına iyunun 27-28-də Bakı ev sahibliyi edib.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib