Ölkə futbolu
Şeydayevin maaşı “Kocaelispor”u qarışdırıb
“Kocaelispor”un Türkiyə I Liqasının son 4 turunda qələbə üzü görməməsi ciddi narazılığa yol açıb.
Futbolinfo.az yerli mətbuata istinadən xəbər verir ki, komandada enişin yaşanmasının əsas səbəbkarlarından biri Azərbaycan millisinin üzvü Ramil Şeydayev göstərilir.
Onun Kocaeli klubundakı qazancının komanda yoldaşları arasında incikliyə səbəb olduğu bildirilir: “Ramil Şeydayevin aldığı məvacib komanda yoldaşlarının rəhbərliyə qarşı münasibətini dəyişdi, tarazılıq itdi. Nəticələrdəki enişin səbəblərindən biri də budur. Sabiq baş məşqçi Ərtuğrul Sağlam onunla həm hücumçu, həm də yarımmüdafiəçi problemini yoluna qoyacağını düşündü. Bu üzdən əlavə transfer istəmədi. Nəticə də göz önündədir”.
Kocaelililər qışda edilən bütün transferlərin uğursuz alındığını düşünürlər: “Bu gedişlə Superliqaya vəsiqə şansı da itəcək. İstənilən halda mövsümün sonunda heyətdə ciddi dəyişikliklərə getmək lazım gələcək”.
Qeyd edək ki, Şeydayev “Kocaelispor”un heyətində 6 oyun keçirsə də, hələ qol hesabını açmayıb.
- Premyer-liqa2024-04-14 20:55
“Qarabağ” “Sabah”a uduzdu
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Ölkə futbolu2024-04-14 08:00
“Turan Tovuz” avrokubok mübarizəsinə qayıtdı