Ölkə futbolu
Ştrayx “Qarabağ”ı təriflədi: “Bu, son dərəcədə əlamətdar hadisədir”
Almaniyanın “Frayburq” komandasının baş məşqçisi Kristian Ştrayx Avropa Liqasının qrup mərhələsinin sonuncu – 6-cı turu çərçivəsində “Qarabağ”a qarşı keçirəcəkləri səfər oyunundan əvvəl fikirlərini bölüşüb.
Futbolinfo.az xəbər verir ki, o, bu gün Frayburqda təşkil olunan mətbuat konfransında heyətdəki itkilərdən söz açıb:
“Bəzi itkilərimiz var. Manuel Qulde, Merlin Röl və Jonatan Şmid Bakıya getməyəcək”.
57 yaşlı mütəxəssis hər bir oyunçuya bu görüşdə şans verə biləcəyini söyləyib: “Qapıçı mövqeyində də dəyişiklik ola bilər. Amma hələ kimlərin oynayacağı barədə heç nə demək istəmirəm”.
Ştrayx “Qarabağ” haqqında xoş fikirlər səsləndirməyi də unutmayıb: “Qarabağ” əla komandadır. Bu komanda həmişə yaradıcı həllər tapmağa və hücum futbolu oynamağa çalışır. Baş məşqçiləri 2008-ci ildən oradadır. Bu, son dərəcədə əlamətdar hadisədir”.
Sabah Tofiq Bəhramov adına Respublika stadionunda keçiriləcək “Qarabağ” – “Frayburq” matçına saat 21:45-də start veriləcək.
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub
- Ölkə futbolu2024-04-26 08:00
Juninyo – Avropanın ən yaxşı braziliyalısı