Ölkə futbolu
Stuxlikin Məsiyevə xüsusi sevgisinin səbəbi nədir?
AFFA Hakimlər Komitəsinin sədri Frits Stuxliki görməyin, ondan müsahibə, açıqlama almağın çox rahat yolu var. Bunun üçün nə “boz bina”ya getmək, nə də kiməsə zəng vurmaq lazımdı.
Jurnalistlər üçün avstriyalı sədri tapmağın çox asan yolu var. Belə ki, turun oyunlarına hakim təyinatlarına baxırsan, Elçin Məsiyevin idarə edəcəyi görüşə yollanırsan. Başqa variant yoxdu – Stuxlik heç vaxt sevimlisinin hicranına dözmür, yalnız onu canlı izləməkdən zövq alır.
Təsadüfi deyil, Premyer Liqanın son turunun “Qəbələ” – “Qarabağ” matçının izləyiciləri arasında komitə sədri də var idi. Eyni gündə Bakıda 3 matç keçirilirdi və prinsipcə, Stuxlik paytaxtda olmalı, stadionları gəzərək yetirmələrinin işini canlı izləməliydi. Lakin avstriyalı Məsiyevin arxasınca Qəbələyə yollanmışdı.
Frits ötən oyundan sonra “Qarabağ”ın baş məşqçisi Qurban Qurbanovun narazılıqlarını səbəb gətirərək, ağdamlıları canlı izləmək üçün bölgəyə getdiyini iddia edə bilər. Amma axı, bu, yalnız bu dəfə belədi, Stuxlik isə Azərbaycana gələni Məsiyevlə cüt gəzir. Təsadüfi deyil, oyundan sonra da bu şəhərdə qonaq qalıb və yalnız dünən axşamüstü Bakıya dönüb. “Sabah” – “Neftçi” oyununda hakimlər hoqqa çıxararkən, sədr Qəbələdə istirahətdə idi, hətta başverənlər onun paytaxta tələsməsinə səbəb olmamışdı.
Sevgi azaddı, Stuxlikin adı ətrafında gəzən müxtəlif söz-söhbətləri qələmə almaq belə istəmirik, bunu peşə əxlaqımıza sığışdırmırıq. Əlimizdə fakt yoxdu, olsa da, öz həyatıdı, özü bilər. Amma FIFA referisinə çevirdiyi sıradan hakim Məsiyevə bu qədər bağlılıq şübhələri artırır. Bu münasibətlər ümumi işə ziyan verirsə, görməzdən gələ bilmərik. “Qəbələ”nin əcnəbi oyunçuları, əsasən də Nikolas Raysellə “xüsusi münasibətlər” haqda deyilənlər öz yerində, amma Elçinlə daim cüt dolaşmağın bir açıqlaması olmalıdı.
Bu şaiyələr AFFA-nı da narahat etməlidi. Milli mentalitetimiz Avropa azadlığıyla eyni qəlibə sığmır, Şərqin özəlliklərini avstriyalı da nəzərə almalıdı. O, öz kefinin bəyidisə, AFFA-dakı azərbaycanlı kişilər bu məsələdə daha ciddi davranmalıdı. Çünki Stuxlik bura işləməyə gəlib, canına qulluq etməyə yox. İşinin nəticəsi isə görünmür, əksinə, hakimlikdə biabırçı mənzərə izləyirik. Azərbaycan hakimliyinin səviyyəsi Fritsin arxasında gizlədilə bilməz.
Bəlkə də AFFA-da Stuxlikin davranışlarının himayəçiləri var, onu da özləri bilərlər. Bizə maraqlı olan ümumi inkişafdı, təəssüf ki, bu, Fritsi düşündürən ən sonuncu məqamdı. Oyunlardakı hakim səhvlərinə baxanda hamınız şahid olursuz.
- Ölkə futbolu2024-05-21 09:45
“Qarabağ” 3-cü təsnifat mərhələsində də səpələnmişlər sırasında yer alacaq
- Digər idman növləri2024-05-20 20:00
Hidayət Heydərov dünya çempionu oldu
- Ölkə futbolu2024-05-20 14:38
Şansı qaçırmayan “Neftçi”, “Zirə”nin qələbəsində Rəhimin “əli”
- Ölkə futbolu2024-05-21 16:00
“Qarabağ”ın ÇL-in yeni mövsümünə 2-ci mərhələdən başlaması ehtimalı böyükdür” – Asif Əsgərov