Ölkə futbolu
“Sumqayıt”ın yeni transferi: 7 ilə 10 klub dəyişib
“Sumqayıt” hər yola saldığı legionerin əvəzinə yenisini gətirir. Oure-Nul Turenin gedişi Riçard Qadzenin gəlişi ilə əlamətdar olmuşdusa, Damian Daniçiçi də Terrens Tisdell əvəz edəcək.
Futbolinfo.az xəbər verir ki, “kimyaçılar” heyətini liberiyalı oyunçu ilə gücləndirib. Ölkəsinin millisində də oynamağa ilman tapan sol cinah hücumçusu artıq “Sumqayıt”ın məşqçlərinə qoşulur. Amma Terrens bu il forma geyə bilməyəcək. Hazırlığı baş məşqçi Samir Abasovu qane etməyən legioner qış toplanışından sonra heyət üzü görəcək.
Tisdellin karyerasının başlanğıcı uğurlu olsa da, futbolçunun indiki durumu şübhə doğurur. Vaxtilə İsraildə adından söz etdirən oyunçu 2021-də keçdiyi “Kocaelispor”da özünü göstərə bilməyib. O, 6 ay qaldığı Türkiyədən yayda “Botoşani”yə gedib, lakin burada da ümidləri doğrultmayıb.
Ən maraqlı məqam 24 yaşlı futbolçunun 7 il ərzində 10 klub dəyişməsidi. 2022-ci ildə cəmi 4 matça çıxıb 1 qol vuran futbolçunun bu statistika ilə uğurlu olacağını düşünənlərin yanılmayacağına ümidliyik. Heç yerdə uzun müddət qalmayan, ən yaxşı halda bir il oynayan futbolçunun ustalıq səviyyəsi, yoxsa xarakteri ilə bağlı probleminin olmasını bilmirik, amma “Sumqayıt”ın növbəti “6 aylıq transfer” etdiyi dəqiqdir.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”