Digər idman növləri
Tennis həvəskarlarını avqustda nələr gözləyir?
Bir neçə həftə əvvəl tennis üzrə “Uimbldon” turniri başa çatdı. Ondan sonra yalnız 250 və 500 seriyalı turnirlər olub.
Amma avqustda tennis həvəskarlarını daha maraqlı və güclü turnirlər gözləyir. Futbolinfo.az sizi onların siyahısı ilə tanış edir:
ATP Masters 1000 – Kanada Açıq çempionatı (Canadian Open)
ATP Masters 1000 – Qərb və Cənub Açıq çempionatı
ATP 250 Winston-Salem Açıq çempionatı
US Open, “Böyük dəbilqə” turniri
———
ATP Masters 1000 – Kanada Açıq Çempionatı
Tarix: 7-12 avqust
Məkan: Toronto və Monreal, Kanada
Örtük: sərt sintetik kortlar
Turnir Monreal (qadınlar) və Torontoda (kişilər) yerli “Uniprix Stadium” və “Aviva Centre” komplekslərinin kortlarında keçirilir. Kişilərin yarışında 56 iştirakçı olacaq.
Turnirin hazırkı qalibi ispaniyalı Pablo Karreno Bustadır. Mükafat fondu 6,573,785 dollar təşkil edir. Turnirdə Karlos Alkaras, Daniil Medvedev, Kasper Ruud , Andrey Rublyov, Stefanos Sisipas, Holger Rune və digər güclü tennisçilərin iştirakı gözlənir. Dünya reytinqinin ilk onluğunda yer alan tennisçilərdən yalnız Novak Cokoviç çıxış etməyəcək. Qadınların mübarizəsində isə ilk onluğun bütün üzvləri iştirak etməyə razılıq veriblər.
ATP Masters 1000 – Qərb və Cənub Açıq turniri
Tarix: 13-19 avqust
Məkan: Sinsinnati, ABŞ
Örtük: sərt sintetik kortlar
Oyunlar Meyson şəhərində (Ohayo, ABŞ) yerli Lindner ailəsinin tennis mərkəzinin kompleksindəki sərt sintetik kortlarda 125-ci dəfə keçirilir. Kişilərin tək yarışında 56 tennisçi mübarizə aparacaq. İlk onluğun bütün üzvlərinin çıxışı nəzərdə tutulub. Keçənilki turnirin qalibi xorvat Borna Çoriçdir. Mükafat fondu 6 971 275 dollar təşkil edir. Qadınların yarışında da dünyanın ən güclüləri çıxış etməyə razılıq verib.
ATP 250 Uinston-Salem Açıq Turniri
Tarix: 20-27 avqust
Məkan: Winston-Salem, ABŞ
Örtük: sərt sintetik kortlar
Oyunlar Uinston-Salemdəki (ABŞ) universitetinin sərt sintetik meydançalarında keçirilir. Kişilərin tək yarışında 48 iştirakçı olacaq. Turnirin hazırkı qalibi fransalı Adrian Marrinarodur. Mükafat fondu 823 420 dollar təşkil edir.
ABŞ Açıq (US open), “Böyük dəbilqə” turniri
Tarix: 28 avqust – 10 sentyabr
Məkan: Nyu-York, ABŞ
Örtük: sintetik kortlar
Dörd “Böyük dəbilqə” turnirindən axırıncısına ayın sonunda start veriləcək. Nyu-Yorkda Milli Tennis Mərkəzinin kortlarında keçirilir. Hazırkı qalib ispaniyalı Karlos Alkarasdır. Turnirin mükafat fondu 60 milyondan artıqdır. Çempionatda zədəsi olmayan bütün tennis ulduzları iştirak edəcək. Zədəli olan və turnirdə 4 dəfə çempion olan Rafael Nadalın çıxış etməyəcəyi dəqiqdir.
- Milli komanda2024-05-03 08:00
Vay(ss) bizim halımıza?
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq