Müsahibə
“Vəziyyəti xeyrimizə dəyişmək üçün hər şeyi edəcəyik”
“Sabah”ın yarımmüdafiəçisi Elvin Camalovun futbolinfo.az saytına müsahibəsi
– Antalyada təlim-məşq toplanışı necə keçdi? Hazırlığı komanda üçün qənaətbəxş saymaq olar?
– Təlim-məşq toplanışı yaxşı keçdi. Fikrimcə, kifayət qədər faydalı şeylər etdik. Amma bu hazırlığın əsas nəticəsini mövsümün ikinci yarısında görəcəyik. Ümid edirəm ki, qış toplanışında çəkdiyimiz əziyyətlərin bəhrəsi olacaq.
– Komanda üçün mövsümün ilk yarısı o qədər də uğurlu olmadı. Bu qış fasiləsi sizin üçün hər şeyi dəyişdirəcək?
– Mövsümün ilk yarısı bizim üçün yaxşı olmadı. Amma Antalyada keçirdiyimiz toplanışda səhvlərimiz üzərində çalışdıq, vəziyyəti xeyrimizə dəyişmək üçün hər şeyi edəcəyik. Oyunlar başlayanda hər şeyin fərqli olacağına ümid edirəm.
– Mövsümün ikinci yarısına “Neftçi”yə qarşı matçla başlayacaqsız. Oyun barədə düşüncələrin necədir?
– Fikirləşirəm ki, maraqlı oyun olacaq. “Neftçi” ilə matçlarımız həmişə gərgin keçib. Hər oyunda olduğu kimi, yenə də meydana qələbə üçün çıxacağıq. İnanıram ki, qalib gələrək mövsümün ikinci yarısına müsbət əhval-ruhiyyədə start verəcəyik.
– Əsas rəqiblərinizdən biri ilə oyunda qələbə və ya məğlubuyyət səncə, növbəti oyunlara təsir edəcək?
– Komandada olan hər bir futbolçu peşəkardır. Futbolda qələbələr kimi məğlubiyyətlər də var. Hamı da bunu yaxşı başa düşür. Mövsüm yalnız bir-iki oyundan ibarət deyil. Hər hansı matçda məğlub olsan belə, bu oyunla yaşamaq doğru deyil. Növbəti qarşılaşmalara köklənmək lazımdır.
– Mövsümün birinci yarısında çox da oynamaq şansı qazanmadın. Vəziyyəti dəyişə biləcəksən?
– Futbolçunun əsas işi məşqlərdə maksimumu ortaya qoymaqdır. Düzdür, mövsümün ilk yarısında çox şans qazanmadım. Burda zədələrin də müəyyən rolu oldu. İstənilən halda, hamı yaşıl meydandakı yerini məşqlərdə ortaya qoyduğu işlə qazanmalıdır. Mən də bu baxımdan öz üzərimdə maksimum çalışıram.
FƏRİD
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Digər idman növləri2024-04-17 21:46
“Neftçi” finalda “Xəzri”yə rəqib oldu
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi
- Ölkə futbolu2024-04-19 08:00
Juninyoya Niderlanddan da müştəri çıxdı