Müsahibə
Lyapkin: "Qəbələdəki ot örtüyündən yaxşısını görməmişəm"
Qəbələdə təşkil olunan 3-cü "Qəbələ Kuboku"nda…
Qəbələdə təşkil olunan 3-cü "Qəbələ Kuboku"nda iştirak edən Rusiyanın "Lokomotiv" klubunun baş məşqçisi Dmitri Lyapkin Astriya "Rapid"i ilə oyundan (0:3) sonra jurnalistlərin suallarını cavablandırdı. Futbolinfo.az sizi həmin açıqlamalarla tanış edir.
– Öncə turnirlə bağlı fikirlərinizi bilmək istərdik…
– Hava əladı, meydan yaxşıdı, hər şey superdi. Futbol oynamaq üçün hər cür şərait var. Turnir çox yaxşı təşkil olunub.
– Ötən gün "Neftçi"yə qalib gəldiniz, "Anderlext"lə sülh bağladınız, amma bu gün "Rapid"ə böyük hesabla uduzduz. Bu, nə ilə bağlıdı?
– Bu yaşda uşaqlar üçün belə ardıcıl oyunlar keçirmək ağırdı. Həm də nəzərə almaq lazımdı ki, komandamın üzvləri digər rəqiblərlə müqayisədə, 14 yaşlılardan təşkil olunub. Ötən gün bir qədər yol yorğunluğu, yuxusuzluq da var idi. Bütün bunlar sözünü deyir. Ötən gün uğurlu çıxış etsək də, ikinci gün üçün gücümüz çatmadı. Amma bunda qorxulu bir şey yoxdu. Biz işləyirik. Uşaqlardan əsl futbolçu düzəltməyə çalışırıq. Nəticə isə bu yaşlı uşaqlar üçün önəmli deyil.
– Bu yaşda uşaqlar üçün belə ardıcıl oyunlar keçirmək ağırdı. Həm də nəzərə almaq lazımdı ki, komandamın üzvləri digər rəqiblərlə müqayisədə, 14 yaşlılardan təşkil olunub. Ötən gün bir qədər yol yorğunluğu, yuxusuzluq da var idi. Bütün bunlar sözünü deyir. Ötən gün uğurlu çıxış etsək də, ikinci gün üçün gücümüz çatmadı. Amma bunda qorxulu bir şey yoxdu. Biz işləyirik. Uşaqlardan əsl futbolçu düzəltməyə çalışırıq. Nəticə isə bu yaşlı uşaqlar üçün önəmli deyil.
– "Qəbələ"nin bazası, turnir haqda fikirləriniz necədi?
– Belə səliqə-səhman, ot örtükləri, meydanlar sadəcə, möhtəşəmdi. Ən xoş sözlərə layiqdi. Bizim futbolçular öncədən düşündülər ki, sizin meydanlarınız süni örtüklüdü. Amma meydana çıxanda təbii ot örtüyü olduğunu görüb təəccübləndilər. Mən isə sizin meydanlardan yaxşı meydan görməmişəm. Fikrimcə, bundan yaxşı ot örtüyü ola bilməz. Qəbələdə olan uşaqlar üçün çox gözəl şərait qurulub.
– Rəqiblərin, xüsusilə, Azərbaycan klublarının oyununu necə dəyərləndirə bilərsiz?
– Oyunlar qısadı. Hər hissə 20 dəqiqədən ibarətdi. Amma mənə elə gəlir ki, hissələr 40 dəqiqədən ibarət olsaydı, uşaqlar üçün daha çətin olardı. Azərbaycan komandalarına gəlincə, “Neftçi” xoşuma gəldi. Texnikalı komandadı. Ümumiyyətlə, bu komanda həmişə, hətta SSRİ dönəmində də öz texnikalı oyunu ilə diqqət çəkib. İndiki uşaqlarda da bu texniki bacarıqları görmək olur. "Qəbələ"nin necə oynadığını görməmişəm. İndi isə burada qalıb "Neftçi"nin qrupdakı son oyununa baxmaq istəyirəm. Bu komandaya azarkeşlik edəcəm. Çünki "Neftçi" qalib gəlsə, biz qrupda ikinci ola bilərik (gülür).
PƏRVİZ ELTÜRK, Qəbələ
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?