Ölkə futbolu
"Qəbələ"dən tənqid üçün təşəkkür
Ötən həftə ərzində “Qəbələ”nin U-16 komandas?…
Ötən həftə ərzində “Qəbələ”nin U-16 komandasının baş məşqçisi Zaur Hacıyevin sosial şəbəkədə paylaşdığı şəkili diqqətinizə çatdırmışdıq. Futbolinfo.az xəbər verir ki, Hacıyev avtobusla növbəti oyuna və ya məşqə gedən yatmış futbolçuların fotosunu paylaşıb, şəkilə isə "Xocalı qətliamı" adı vermişdi.
Saytımıza müsahibə verən klubun vitse-prezidenti Fariz Nəcəfov Hacıyevin bu hərəkətinə münasibət bildirməklə yanaşı, tənqidə görə təşəkkür etməyi də unutmayıb:
"Xəbəri sizin saytda oxudum. Buna görə sizə təşəkkür edirəm. Bizim "facebook" və ya digər sosial şəbəkələrə baxmağa vaxtımız olmur. Ümumiyyətlə, sosial şəbəkələrdən kənar dururam. Hacıyevlə bağlı ölçü götürdük. Məşqçi ilə danışdıq, o da səhv etdiyini başa düşdü. Mənim özüm də idmançıyam. Futbolçular uzun məsafə qət edəndə ayaqlarını bir yerdə salxayıb, rahat olmurlar. Qarşıda məşqçi olduğu üçün buna pis baxmaq olmaz. Bunu bir kənara qoyuram. Ancaq uşaqlar uzansalar da, təhlükəsizlik kəmərini bağlamalıydılar. Yaxşı ki, bunu gördüm. Bağışlanmaz səhv isə Xocalı soyqrımı ilə bağlıdı. Buna görə Hacıyevə çox ciddi xəbərdarlıq etdik. Onun hətta işdən çıxıarılma təhlükəsi də vardı. Sadəcə, klubda daha əvvəl gördüyü işlər və perespektivli məşqçi olması ilə yanaşı, regiondan olduğunu da nəzərə aldıq. Başqa bir cəza da olacaq. Akademiyanın rəhbərliyinə də məruza etdim ki, onu mütləq cəzalandırsın".
EMİN SƏFƏROV
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”