Ölkə futbolu
Vaqif Qasımov: "Hamımız axtarışdayıq"
Mövsüm başa çatdıqdan sonra heyətini yalnız Asif …
Mövsüm başa çatdıqdan sonra heyətini yalnız Asif Mirili ilə gücləndirən AZAL hələ ki, transfer fəaliyyətini dondurub. Futbolinfo.az saytına açıqlama verən klubun vitse-prezidenti Vaqif Qasımov transfer durğunluğunu bu cür izah edib:
"7-8 legioner futbolçu təxminən iyulun 2-si üçün xaricdən gəlməlidi. Bu dəqiqə çağırmağın nə mənası var? Komandanın bütün üzvləri hazırda istirahətdədi. Bu futbolçuları baxışdan keçirmək lazımdı. Bir neçə nəfər də yerli oyunçu var. Hazırda məşq yoxdu, hava ilə müqavilə imzalanmayacaq ki. Komanda gəlməlidi ki, yoxlayasan, sonra müqavilə imzalayasan. Biz yoxlamamış oyunçu götürmürük".
Klub rəsmisi büdcə ilə yeni gələcək futbolçuların qiymətinin uyğunlaşması məsələsinə də aydınlıq gətirdi: "Hələ ki, proses davam edir. Bu məsələ sonradan bilinəcək. Hələ oyunçular gəlsin, baxaq. Mən məşqçinin işinə qarışmağın tərəfdarı deyiləm. Heç kimlə qiymət danışmamışıq. Köhnədən qalan futbolçuların müqaviləsi var. Yenilər də gəlsin, ondan sonra bilinəcək. Məşqçi də, menecerlər də, hamımız axtarışdayıq".
Vitse-prezident qapıçı Cahangir Həsənzadə ilə yolların ayrılmasına da münasibət bildirib: "Cahangir əsas heyətə düşə bilmirdi. Bu, baş məşqçinin seçimidi. Cahangir yaxşı qapıçı olub və komandaya çox kömək edib. Baş məşqçi bu cür məsləhət bilib və bu, onun fikridi. Onun da getməyə istəyi vardı. Mən həmin söhbətdə olmamışam. Bu haqda başqa heç nə deyə bilmərəm. Şemonayevlə danışıqlar isə hələ qalıb. Komanda toplaşandan sonra hər şeyə aydınlıq gələcək".
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?