Ölkə futbolu
Anar Salmanov: "Buna heç kim etiraz edə bilməz"
Bir neçə gün öncə AFFA Hakimlər Komitəsinin sədr…
Bir neçə gün öncə AFFA Hakimlər Komitəsinin sədri Xaqani Məmmədov saytımıza verdiyi açıqlamada Anar Salmanovun Premyer Liqada oyun idarə edə bilmə ehtimalının olduğunu bildirmişdi. Lakin Məmmədov bunun referinin özündən asılı olduğunu söyləmişdi. Belə ki, Salmanov 4-5 kq arıqlasa və Polşada keçiriləcək toplanışda özünü müsbət tərəfdən göstərsə, yenidən elitaya qayıda biləcək.
Ötən il kubok yarışı çərçivəsində keçirilən "Neftçi" – "Qarabağ" oyununda yol verdiyi nöqsana görə 1-ci Diviziona göndərilən Salmanov futbolinfo.az saytına verdiyi açıqlamada komitə sədrinin fikirlərinə bu cür münasibət bildirib: "Düşünürəm ki, Hakimlər Komitəsi nə deyirsə, o da olmalıdı. Əgər belə fikir bildiriblərsə, mən bununla razıyam. Aşağı dəstədə itirdiyim yalnız praktika oldu. Yəni Premyer Liqa ilə divizion arasında fərq var və mən bir mövsümdə yalnız ustalıq təcrübəsi itirdim. FİFA hakimiyəm, təbii ki, istəyim də Premyer Liqadı. Yenidən elitaya təyin etsələr, çıxıb oyunları idarə edəcəm".
Salmanov Premyer Liqanın son mövsümündəki hakim idarəçiliyindən də danışıb: "Hakimlik normal idi. Əgər müqayisə etsək, Dünya çempionatında da xeyli səhvlər var. Belə hesab edirəm ki, bizim hakimlər son mövsümü yaxşı başa vurdu. Təbii ki, səhvlər var idi, amma o səhvlər nəticəyə az halda təsir edirdi. Ümumilikdə götürəndə hakimlik yaxşı səviyyədədi. Əliyar Ağayev layiq olduğu üçün son mövsümün əsas oyunları ona həvalə olundu. Buna nə Anar Salmanov, nə də başqa hakimlər etiraz edə bilər".
FİFA referisi yerli hakimlərin böyük turnirlərdə fit çala bilməməsini isə bu cür izah edib: "İstər Rəhim Həsənov, istər Əliyar Ağayev, istərsə də Anar Salmanov bu cür oyunları sərbəst idarə edə bilər. Təbii ki, heç kim səhvlərdən sığortalanmayıb. Platini də deyib ki, futbolun gözəlliyi futbolçu ilə hakimin səhvindədi. Yəni bizim hər bir hakimimiz mundialda oyun idarə edə bilər. Əliyarla mən 2-ci kateqoriyadayıq. Burada futbolun reytinqi də böyük rol oynayır. Öndə gedən ölkələrin hakimləri birbaşa təyin olunur, biz isə futbolun reytinqinə görə pillə-pillə gedirik. Biz öz üzərimizdə işləməliyik. Hər bir hakimin taleyi öz əlindədi".
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”