Ölkə futbolu
"Simurq" yay hazırlıq planını açıqladı
2013/14-cü il mövsümü başa çatdıqdan sonr…
2013/14-cü il mövsümü başa çatdıqdan sonra istirahətə yollanan "Simurq" iyunun 27-dən yeni futbol ilinin hazırlıqlarına start verəcək. Futbolinfo.az xəbər verir ki, Zaqatala klubu iyunun 26-da Bakıdan birbaşa reyslə Vyanaya yola düşəcək.
Buradan isə avtobusla Sloveniyaya keçərək, Paxorye rayonunun ərazisində yerləşən Roqla dağındakı "Natura" otelində məskunlaşacaq. Hazırlıq planına uyğun olaraq burada əsasən fiziki gücün bərpası və artırılmasında ibarət məşqlər keçiriləcək. Georgi Çixradzenin yetirmələri iyulun 6-da, 9-da və 12-də yoldaşlıq görüşlərinə çıxacaq. Sonuncu yoxlama matçından bir gün sonra isə komanda ölkəyə qayıdacaq.
"Simurq"un yay təlim-məşq toplanışının ikinci mərhələsinə iyulun 17-də start veriləcək. Avstriyada planlaşdırılan hazırlıq avqustun 1-nə qədər davam edəcək. Burada isə komanda beş yoldaşlıq görüşü keçirməyi planlaşdırır. Bundan sonra "sarı-qaralar" ölkəyə qayıdacaq və avqustun 4-də Zaqatalada bir araya gələrək, 2014/15-ci il mövsümünün ilk turunun hazırlıqlarını davam etdirəcək.
"Simurq"un təlim-məşq toplanışındakı rəqibləri haqqında yaxın günlərdə ətraflı məlumat veriləcək. Həmçinin hazırlıq dövründə Zaqatala təmsilçisi transfer çalışmalarını da, davam etdirəcək. Baxışa dəvət olunmuş futbolçular artıq Sloveniya toplanışından etibarən düşərgəyə təşrif buyuracaq. (klub saytı)
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”
- Ölkə futbolu2024-04-23 08:00
“Səbail” “Sabah”a uduzsa…