Müsahibə
Aqil Məmmədov: "Sabah "Bakı"nın vəziyyəti düzəlməsə, 100 faiz gedəcəm"
"Bakı"nın qapıçısı Aqil Məmmədovun futbolinfo….
"Bakı"nın qapıçısı Aqil Məmmədovun futbolinfo.az saytına müsahibəsi:
– Hazırda komandada vəziyyət nə yerdədi? Nə iş görürsüz?
– Bildiyiniz kimi, komandada vəziyyət yaxşı deyil. Buna baxmayaraq, uşaqlar məşqə çıxır. Bu gün, sabaha pulların veriləcəyinə söz veriblər. Hamının ailəsi var. Buna görə də futbolçular da gözləyir. İnanırsız, uşaqların çoxu zorla, xətir-hörmətə qalıb. Vəziyyətin düzələcəyinə ümid edirlər. Sabah axırıncı gündü. Biz də sabahı gözləyirik.
– Sizcə, "Bakı"nın belə aqibətlə üzləşməsinə nə səbəb oldu?
– Bunu rəhbərlik daha yaxşı bilər. Bizim işimiz məşq edib, meydana çıxıb oynamaqdı. Bu məsələlər bizlik deyil.
– Növbəti mövsümdə "Bakı"nın heyətində çıxış etmək üçün məşq edirsiz, yoxsa formada qalmaq üçün?
– Biz komandaya hörmət etdiyimiz üçün məşq edirik. Dəfələrlə komandamın yanında olacağımı demişəm. Ancaq görünür ki, komandada bizim üçün nəsə etməyi düşünən yoxdu. Ona görə də axırıncı günü – sabahı gözləyirik.
– Yəni, siz komandanın yanında olsaz da, rəhbərlik sizin yanınızda olmur?
– Bəli.
– Komandadan ayrılmaq haqda düşünmürsüz?
– Sabahı gözləyirik. Sabah da müsbət bir şey olmasa, komandadan ayrılacam. Bir-iki təklif var. İnşallah, onları dəyərləndirəcəyik.
– "Xəzər Lənkəran"la danışığa getdiyiniz deyilir…
– Sözügedən klubla danışığa getməmişəm. Ancaq onların məni transfer etmək istədiklərindən xəbərim var. Bu barədə "Bakı"ya rəsmi təklif də olub.
– Bu təklifə necə baxırsız?
– "Xəzər Lənkəran"dan təklif almaq yaxşı haldı. Böyük bir komandadı. Sabah "Bakı"nın vəziyyəti yaxşı olsa qalacam, olmasa, təklifləri dəyərləndirəcəm.
– Neçə düşünürsüz, "Xəzər Lənkəran"da əsas heyətə düşmək sizin üçün çətin olmayacaq?
– İnşallah, getmək qistmət olsa, kimin oynayıb-oynamayacağına məşqçi qərar verəcək. Çünki həyatım boyu heç nəyə qarışmamışam. Məşqçilər nə qərar veribsə, onun fikirinə hörmətlə yanamışam.
– Rauf Əliyev, Əfran İsmayılov da axırıncı günü gözləyirdilər. Ancaq vəziyyət düzəlmədiyi üçün getdilər. Siz də belə deyirsiz…
– Bəli, sabah vəziyyət düzəlməsə, 100 faiz komandadan ayrılacam. Hər kəsin ailəsi var. Biz komandanı düşünürük, başqaları bizi düşünmürsə, biz nə edə bilərik? Əlimizdən nə gəlir axı?
– Belə başa düşdüm ki, komandadan könülsüz gedirsiz…
– İstər-istəməz könülsüz gedirəm. Çünki neçə ildi ki, bu komandanın çörəyini yeyirəm. Bu komanda bizi tanıtdırıb. "Bakı"nın bu günə düşməsini istəməzdim. Buna görə həqiqətən də ox pis oluram. "Bakı" hər zaman iddialı komanda olub. Komandanın öz ad-sanı var. Vaxt var idi ki, Azərbaycanın ən güclü futbolçuları burada oynamaq üçün can atırdılar. İndi isə vəziyyət pisdi. Vəziyyət pisdi deyəndə ki, komanda dağılmaq üzrədi də.
– Klub prezidenti ilə niyə görüşə bilmirsiz? Buna nə mane olur?
– Bilmirəm. Klub prezidenti ilə görüşmək çox çətin məsələdi.
– Raufla Əfranın komandanı tərk etməsinə münasibətiniz necədi?
– Raufun da, Əfranın da ailəsi var. Onlar kluba çox kömək etdilər. Komandadan nə alacaqları var idisə, qoyub getdilər. Onlar qalsaydı belə, "Bakı" onların pulunu verə bilməyəckdi. Allah onların yolunu açıq etsin. Mənə elə gəlir ki, onlar komandadan ayrılmaqla, düzgün qərar veriblər.
– Deyirsiz ki, onlar alacaqlarını komandada qoyub getməklə, kluba böyük kömək etdilər. Ancaq onu da nəzərə almaq lazımdı ki, bu durum ən çox onların xeyirinə işlədi. Çünki azad agent statusu almadan, "Xəzər Lənkəran"a transfer ola bilməyəcəkdi.
– Onlar bu vaxta qədər qalsaydılar belə, biz almadığımız kimi, onlar da pullarını ala bilməyəcəkdi. Belə çıxır ki, ümid yoxdu. Axı nə qədər sebr etmək olar? Uşaqlar sağolsunlar ki, bir sözümüzlə məşqə çıxırlar. Allah onlardan razı olsun! Ancaq bir yerə qədər də. Uşaqlar da mənə "nə edək, sənin xətirinə məşqə gəlirik" deyirlər. İstəmirlər mən tək qalım. Onları da başa düşmək lazımdı. Nəzərə almaq lazımdı ki, futbolçu həyatı çox qısadı.
– Onlar bu vaxta qədər qalsaydılar belə, biz almadığımız kimi, onlar da pullarını ala bilməyəcəkdi. Belə çıxır ki, ümid yoxdu. Axı nə qədər sebr etmək olar? Uşaqlar sağolsunlar ki, bir sözümüzlə məşqə çıxırlar. Allah onlardan razı olsun! Ancaq bir yerə qədər də. Uşaqlar da mənə "nə edək, sənin xətirinə məşqə gəlirik" deyirlər. İstəmirlər mən tək qalım. Onları da başa düşmək lazımdı. Nəzərə almaq lazımdı ki, futbolçu həyatı çox qısadı.
– Yəni, bu durumda ağsaqqallığı öz üzərinizə götürmüsüz?
– Biz sadəcə, klubun bu vəziyyə düşməsini istəmirik. Ancaq görürük ki, bizə heç kim can yandırmır.
– Tutaq ki, "Xəzər Lənkəran"la iki illik müqavilə imzaladınız. Siz getdikdən sonra "Bakı"nın vəziyyəti əvvəlkindən də yaxşı oldu. "Xəzər Lənkəran"la müqaviləni pozub, geriyə qayıdarsız?
– Bunu zaman göstərəcək. "Xəzər Lənkəran"la da hələlik konkret bir şey yoxdu. Axşama hər şey bəlli olacaq.
– "Xəzər Lənkəran"dan başqa hansı komandalar sizə təklif göndərib?
– Bir-iki yerli klub var. Türkiyənin PTT 1-ci Liqasından da təkliflər almışam.
– Bu təkliflər arasında "Qəbələ" də var? Türkiyədən hansı komandalar sizi heyətində görmək istəyir?
– Xeyr. Təklif göndərən komandalar arasında "Qəbələ"nin adı yoxdu. Qardaş ölkədən 6 komanda məni heyətində görmək istəyir. Adlarını çəkmək istəmirəm, deyəcəklər ki, özünü göstərir. Konkret bir şey olsa, bundan siz də xəbər tutacaqsız.
EMİN SƏFƏROV
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”