Müsahibə
Oğuz Çətin: "XL-in üzvləri digər klublardakına nisbətən daha çox qazanırlar"
“Xəzər Lənkəran”ın türkiyəli baş məşqç…
“Xəzər Lənkəran”ın türkiyəli baş məşqçisi Oğuz Çətin “Al Jazeera”yə müsahibə verib. Futbolinfo.az sizi həmin müsahibə ilə tanış edir:
– “Xəzər Lənkəran”da fərqli ölkələrdən əcnəbi futbolçular var. Türkiyədən də futbolçu transfer etməyi düşünürsüz?
– Açığı, türkiyəli futbolçu transfer etmək bizim üçün elə də məntiqli olmur. Bunu ranatlıqla deyə bilərəm ki, Türkiyənin PTT 1-ci Liqasında çıxış edən futbolçuların aldıqları məvacib az deyil. Azərbaycan çempionatındkı ilə eyni dərəcədə sayıla bilər. Bundan əlavə, türkiyəli futbolçular Azərbaycan çempionatında legioner statusunda oynayır. Belə olan halda, Türkiyədən deyil, başqa xarici ölkələrdən futbolçu almaq daha sərfəli görünür. Türkiyəli futbolçulara Azərbaycanda yerli satusunda oynaya bilmək hüququ verilsə, vəziyyət başqa cür ola bilər. Çünki xarici futbolçu türkiyəliyə nisbətən daha az məvacib alır və səviyyəli oyun göstərir.
– “Xəzər Lənkəran”a Mustafa Dənizlidən sonra baş məşqçi təyin olundunuz. Qarşınızda hansı hədəfləri qoymusuz?
– Ötən mövsüm Dənizli ilə komandaya gələndə liqadakı hədəfdən uzaqlaşılmışdı. Hədəfdə ancaq kubok oyunları vardı. Yarımfinalda kubokdan da əlimizi üzdük. “Xəzər Lənkəran” 2-3 ildi camiəsini sevindirə bilmir. Azərbaycanda Lənkəran rayonu çox özəl bölgədi. Premyer Liqadakı 10 komanda içində ən çox azarkeşi olan klubdu. Uğurlu çıxışlar göstərəndə 15 minlik stadionumuz dolur. Burada vəzifəyə təyin olunanda liqanın və kubokun qalibi olub, avrokuboklara vəsiqə qazanmaq ən təbii hədəfdi. Arzum hədəflərindən uzaq qalan Lənkəranı bu hədəflərə çatdırmaqdı.
– “Xəzər Lənkəran”da bu hədəflərə çatmaq üçün lazımı quruluş və maliyyə imkanları varmı?
– Azərbaycan futbolu intensiv inkişaf edir. Klubların yayım və buna bənzər gəlirləri yoxdu. Dövlət başçısı, dövlət qrumları, federasiya və iş adamlarının dəstəyi ilə futbol ayaqda durur. Futbolun özünü maliyyələşdirmə imkanı yoxdu. Futbolun inkişafı üçün dövlət qurumları addımlar atmağa başlayıb. Səhv etmirəmsə, Premyer Liqadakı 10 klub arasında azarkeşlərinə billet sata bilən yeganə klub bizik. Ümumilikdə oyuna gələn azarkeşlərdən billet pulu tələb olunmur. Azərbaycan inkişaf edən bir ölkədi. Azərbaycan çempionatında mübarizə aparmaq çətindi. Çox səviyyəli legionerlərə malikdilər. Azərbaycan çempionatı ilə Türkiyə 1-ci liqasının səviyyəsi eynidi. 3-4 komanda Türkiyə Super Liqasında çıxış edən komandalarla eyni səviyyədədi. Azərbaycan futboluna yuxarıdan aşağı baxmamalıyıq.
– Azərbaycanın varlı ölkə olduğunu və çempionatda da səviyyəli futbolçuların olduğunu dediniz. Amma sizin komandaya baxanda tanınmış futbolçu görə bilmirik. Komandaya lazımı transferlərlə gücləndirməyi düşünürsüzmü?
– Hər şey yerbəyer olmadan belə cəlbedici çempionat olmaq çətindi. Ulduz simanı komandaya gətirib, bölgənin diqqətini cəlb etmək önəmli bir həmlədi, amma əvvəla komandadakı standartları yerbəyer edib, davamlılıq göstərməyimiz vacibdi. İndi ehtiyacımıza uyğun transferlər etməliyik. Ötən mövsüm komandada 4 azərbaycanlı futbolçu, bunlardan birinin də yaşı 21-dən az olmalı idi. Bu, bizi çox çətinə saldı. Çünki azərbaycanlı futbolçumuz az idi. Növbəti mövsümdən isə meydana 5 yerli futboluçu çıxarmalıyıq. Onlardan birinin də yaşı 23-də az olmalıdı. Belə məcburiyyətlər futbolun inkişafını ləngidi. Bəzi futbolçunu məcburiyyətdən oynatmaq durumunda qalırsız. Bu mövsüm Azərbaycanın qabaqcıl futbolçularından transfer etmək istəyirik. Xüsusilə də, rəqiblərimizdə və milli komandada oynayan futbolçuları heyətimizə qatmağa çalışırıq.
– Lənkəranın paytaxtdan uzaq olması sizə problem yaradırmı?
– Lənkəran İran sərhəddinə yaxın bir bölgədi. İctimai həyat tərzi çox fərqlidi. Bu səbəbdən də bəzi çətinliklərimiz var. Şəhərdə futbolçuların maraqlı vaxt keçirəcəyi yerlər azdı. Digər komandalardan fərqli olaraq, futbolla bağlı məsələlərdən əvvəl, futbolçularımızın sosial həyatı və psixoloji durumu ilə bağlı məsələləri həll etməli oluruq. Lənkəran çox məhsuldar torpaqlara malik bir bölgədi və hər şey təbii şəkildə yetişir, yaşıllıq çoxdu. Futbolçularımızın işlərindən zövq alaraq fəaliyyət göstərmələri üçün planlar hazırlayırıq.
– Oradakılar da Türkiyədə Anadolu klublarının yaşadığı problemlərə oxşayır?
– Bəli, çox oxşar çətinliklərdi. Klubumuz bu məsələləri həll etmək üçün ən çox maliyyə cəhətdən addım atmalı olur. Bizim futbolçularımız, digər klublardakına baxanda, daha çox pul qazanır.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”