Ölkə futbolu
"Neftçi"nin növbəti rəqibini yaxından tanıyaq
Ölkəmizi Avropa Liqasında təmsil edən "Neftçi&quo…
Ölkəmizi Avropa Liqasında təmsil edən "Neftçi" ikinci təsnifat mərhələsinin ilk qarşılaşmasında evdə 1:2 hesabı ilə məğlub olduğu Sloveniya "Koper"ini səfərdə 2:0 hesabı ilə qalib gələrək növbəti mərhələyə adladı. Futbolinfo.az xəbər verir ki, "ağ-qaralar"ın üçüncü təsnifat mərhələsindəki rəqibi Gürcüstanın "Çixura" komandası olacaq.
Adını şəhərin yanından keçən bir çayın adından alan Saçxere şəhərinin təmsilçisi ardıcıl olaraq iki mövsümü Gürcüstan çempionatında 4-cü pillədə başa vurub. Bakılıların rəqibi son iki mövsümdə Gürcüstan Kubokunun finalına vəsiqə qazansa da, Tiflis "Dinamo"suna məğlub olublar. "Çixura" finalda qızıl medalları qazanmasa da, Avropa Liqasına vəsiqəni təmin edib.
22 matçda 38 xal toplayaraq, ölkə çempionatını 3-cü pillədə başa vuran komanda 11 qalibiyyət, 5 bərabərlik və 6 məğlubiyyətlə yadda qalıb. Rəqib qapılarına 40 qol vuran “Çixura” 33 top buraxıb.
Gürcü klubu ev oyunlarını 2 min azarkeş tutumu olan "Central" stadionudan keçirir. Ancaq qərb qonşularımız Avroliqa matçlarını paytaxt Tiflisdə yerləşən və 27 223 azarkeş tutumu olan "Mixail Mesxi" stadionunda keçirir.
Gürcüstan təmsilçisinin avrokuboklardakı çıxışı elə də parlaq deyil. Ancaq ötən və bu mövsüm Avropa Liqasında vəsiqə qazana bilən komanda bu turnirdə ümumilikdə 8 oyun keçirib və 2 qələbə, 4 bərabərlik, 2 məğlubiyyəti olub. Rəqib ötən mövsüm Samson Fruidzenin başılığı ilə ilk təsnifat mərhələsində "Vaduts"u mübarizədən kənarlaşdırsa da, növbəti mərhələdə İsveçrənin "Tyun" komandasına məğlub olaraq, Avropa məcarasını başa vurmuşdu. Ötən mövsümdə klub tamamilə yerli futboluçuların xidmətindən istifadə edib. Klubun ümumi büdcəsi isə 4 milyon avrodan artıq deyil.
"Neftçi"nin rəqib düşərgədə diqqət etməli oyunçu 24 yaşındakı Georgi Qabedavadı. Uzunboylu və cərimə meydançasında təhlükəli olan futbolçu, ölkəsində ən keyfiyyətli hücumçulardan biridi.
Rəqibin sağ cinahı çox zəifdi. Buna görə də hücumlarının 80 faizini sol cinahdan təşkil edir. Komandanın heyətində sadəcə, meydanda qaçmaqla məşğul olan təcrübəsiz futbolçular çox olsa da, mərkəz müdafiəçisi Rexviaşvili, sol cinahda Kaşiya və hücumda Kutçixidze "Çixura"nın ən önəmli oyunçularıdı. Rexviaşvili isə komandanın ən bahalı futbolçusudu.
"Neftçi" "Bakcell Arena"da baş tutacaq ilk qarşılaşmada xüsusən standart vəziyyətlərə diqqət yetirməlidi. "Çixura" ilk təsnifat mərhələsində səfərdə 1:0 hesabı ilə məğlub etdiyi Makedoniyanın "Turnovo" klubunu evindən də əliboş yola salmışdı – 3:1. Tiflisdə baş tutan cavab qarşılaşmasında isə rəqib qapısından qolları Georgi Qabedava və Georgi Rexviaşvili keçirmişdi.
Rəqib büdcə baxımından "Neftçi"dən çox geri qalır. Ancaq Azərbaycan klublarına büdcəsi bizim komandalardan qat-qat aşağı olan qəsəbə təmsilçiləri çox dərs keçib. Nəzərə almaq lazımdı ki, komanda ikinci təsnifat mərhələsində Türkiyənin "Bursaspor" klubunu mübarizədən kənarlaşdırıb. Yəni, futbolda pulun hər şeyi həll etmədiyini isbatlamış bir komandadan çəkinməyə dəyər.
Bu komanda "Neftçi" üçün elə də yad deyil. Belə ki, "ağ-qaralar" bu yay Türkiyədə təlim-məşq toplanışında olarkən "Çixura" ilə iki dəfə qarşılaşıb. Yoxlama matçlarının birində gürcülər 3:2 hesabı ilə qalib gəlib. Növbəti oyunda isə komandalar meydandan sülhlə ayrılıb – 1:1.
1938-ci ildən yaradılan "Çixura" Gürcüstanın əsas liqasına 2006/07 mövsümündə vəsiqə qazanıb. Ancaq debütü uğursuz alınan klub növbəti 4 il birinci divizionda çıxış etməyə məhkum olum. 2011/12 mövsümündə yenidən elitaya vəsiqə qazanan gürcü klubu ortabab komanda statusunda çempionatda çıxış edir.
“Çixura” klubu hazırda Avropa Liqası üçün UEFA-ya aşağıdakı futbolçuların adını təqdim edib:
Qapıçılar: 1. Zurab Mçkeraşvili, 16. Georgi Somxişvili, 25. Maksim Kvilitaya;
Müdafiəçilər: 5. Laşa Çelidze, 8. Georgi Kimadze, 12. Zaza Nadiradze, 24. Laşa Çikvaidze, 37. Şota Kaşiya, 80. Georgi Rexviaşvili;
Yarımmüdafiəçilər: 7. Cambul Ciqauri, 15. Georgi Koripadze, 22. Ququa Yakobaşvili, 23. Aleksandr İvanişvili, 26. Georgi Datunayşivili, 27. Qiqa Beçvaya, 49. David Odikadze. 88. Levan Xmaladze.
Hücumçular: 9. Georgi Qabedava, 10. Laşa Kutçuxidze, 11. Tornike Mumladze, 51. Besik Dekanoidze, 71. Temur Nadiradze.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”