Ölkə futbolu
Atışmayla eyni vaxtda: Belə təsadüf olmaz
Ötən gün "Neftçi" – "Çixura&qu…
Ötən gün "Neftçi" – "Çixura" matçında qonaq azarkeşlər Azərbaycanın ərazi bütövlüyünə zidd olan pankart açıblar. Futbolinfo.az xəbər verir ki, bundan sonra oyunun keçirildiyi "Bakcell Arena"da qarşıdurma yaranıb.
Azərbaycan Respublikasının Daxili İşləri Nazirliyi artıq bu məsələ ilə bağlı bəyanat yayıb:
"İyulun 31-də Avropa Liqasının üçüncü təsnifat mərhələsi çərçivəsində Bakının "Neftçi" və Gürcüstanın "Çixura" futbol komandaları arasında keçirilən oyunda Gürcüstandan gəlmiş bəzi azarkeşlər tərəfindən təxribat törədilməsinə cəhd edilib.
Onlar oyunun keçirildiyi "Bakcell Arena" stadionunda yer aldıqları tribunadan Azərbaycanın Zaqatala və Qax rayonlarının Gürcüstan ərazisi kimi göstərildiyi xəritə asıblar. Bu isə yerli azarkeşlərin kəskin etirazına səbəb olub və nəticədə qarşıdurma yaranıb. Xidməti ərazidə ictimai asayişin və təhlükəsizliyin qorunmasına cəlb olunmuş polis və Daxili Qoşun əməkdaşları tərəfindən görülmüş operativ və qətiyyətli tədbirlər nəticəsində hadisənin kütləvi iğtişaşa çevrilməsinin qarşısı alınıb. Ehtimal olunur ki, bu təxribat Azərbaycanla Gürcüstan arasında yaxın dostluq və mehriban qonşuluq münasibətlərini pozmaq istəyən qüvvələrin əməlidir. Hər iki ölkənin hüquq-mühafizə orqanları tərəfindən araşdırmalar aparılır".
P.S.: Ötən gecə Ermənistan silahlı birləşmələri saat 20:00-dan etibarən cəbhənin müxtəlif istiqamətlərində atəşkəsi pozaraq Azərbaycan Ordusunun nəzarətində olan ərazilərə soxulmağa cəhd göstəriblər. Nəticədə Azərbaycan tərəfi 8 şəhid verib. "Neftçi" – "Çixura" matçı da eyni vaxta başlayıb və pankart da həmin an açılıb. Görəsən, bunların hamısı təsadüfdü?