Müsahibə
Böyükağa Hacıyev: "Çixura" qorxulu rəqibdi"
"Neftçi"nin baş məşqçisi Böyükağ…
"Neftçi"nin baş məşqçisi Böyükağa Hacıyev Avropa Liqasının üçüncü təsnifat mərhələsi çərçivəsində Gürcüstan "Çixura"sına qarşı keçiriləcək cavab oyunu öncəsi fikirlərini açıqlayıb. Futbolinfo.az xəbər verir ki, o, bu gün Tiflisdə baş tutan mətbuat konfransında bunları söyləyib:
– Əvvəla bütün Gürcüstanı salamlayıram. Elə bilirəm ki, Bakıdayam. Özümü evdəki kimi hiss edirəm. Gəncliyim də Gürcüstanla çox bağlıdı. Buradakı stadionlarda çox olmuşam.
Azərbaycanda çoxlu Gürcüstanlı mütəxəssis işləyir. Kaxaber Sxadadze beş ildi Azərbaycanda, "İnter" klubunda çalışır. "Simurq"un baş məşqçisi Georgi Çixradzedi.
Sabah azarkeşlər yaxşı futbol şousu izləyəcəklər. Rəqib çox yaxşı müdafiə futbolu oynayır. Onlar güclü olmasaydılar, Türkiyə nəhənglərindən olan "Bursaspor"u mübarizədən kənarlaşdırmazdılar.
Biz hücum futboluna üstünlük veririk. Elə ən yaxşı müdafiə də hücumdu. Rəqibin müdafiəsində Serxio Ramos olsaydı, onların səhv etməyəcəyini deyə bilərdim. Amma güman ki, səhvləri olacaq və biz bu səhvlərdən yararlanmalıyıq.
Rəqib bizi də "Bursaspor" kimi məğlub etmək istəyir. "Çixura" qorxulu rəqibdi. Bakıda qapıya yol tapa bilmədik. Ümid edirəm ki, buradakı oyunda fərqli olacaq.
– Mərhələ keçmək şansınızı necə dəyərləndirə bilərsiz?
– Bu gün Gürcüstan futbolunda əvvəlki kimi güclü oyunçular görə bilmirəm. Kipianinin oynadığı futbol yox, incəsənət idi. Şansların bərabər olduğunu düşünürəm.
– Bu gün Gürcüstan futbolunda əvvəlki kimi güclü oyunçular görə bilmirəm. Kipianinin oynadığı futbol yox, incəsənət idi. Şansların bərabər olduğunu düşünürəm.
– Rəqib komanda da sizi yəqin ki, analiz edib və ev oyununda boşluqlardan yararlanıb, qələbə qazanmağa çalışacaq…
– Mən "Çixura"nın baş məşqçisinin əvəzində danışa bilmərəm. Onlar nə qədər qapanır qapansın, bu işə bir son qoyulmalıdı. Mən "Neftçi"nin şousundan danışa bilərəm. Rəqib nə qədər bizim oyunlarımızı izləyis izləsin, biz elə taktika seçəcəyik ki, onlar heç nə edə bilməsin.
– "Koper"lə "Çixura" arasında nə kimi fərqlər var?
– "Çixura" sırf müdafiə futbolu oynayır. Amma "Koper" müdafiə olunsa da, bir qədər kombinasiyalı oyuna da üstünlük verirdi. "Çixura" isə hücumda yalnız cinahlara güvənir.
– Cəbhə bölgəsində şəhid olan həmyerlilərimizin ruhunu yad etmək üçün UEFA-ya müraciət etsəz də, cavab müsbət olmadı…
– Çox minnətdaram ki, bizim acımıza şərik olursuz. Hamınıza minnətdaram. Mənfur qonşularımız bizim səbrimizi yoxlayır. Səbrimizin də bir həddi var.
– Çox minnətdaram ki, bizim acımıza şərik olursuz. Hamınıza minnətdaram. Mənfur qonşularımız bizim səbrimizi yoxlayır. Səbrimizin də bir həddi var.
– Əvvəlki taktikadan fərqli nəsə edəcəksiz?
– Bizim taktikamız yaxşı olmasaydı, buraya qədər gəlib çıxa bilməzdik. Biz hər şeyi meydanda göstərəcəyik.