Müsahibə

Aslan Kərimov: "Çıxılmaz vəziyyətdə qaldığımıza görə əcnəbiləri milliləşdiririk"

Futbol üzrə Azərbaycan yığmasının məşqçisi Aslan K…

Saat: 11:34 Tarix: 18/08/2014

tərəfindən paylaşıldı

Futbol üzrə Azərbaycan yığmasının məşqçisi Aslan Kərimovun futbolinfo.az saytına müsahibəsi

– Özbəkistan millisi ilə yoxlama matçından nə gözləyirsiz?

– Avropa çempionatının seçmə mərhələsi qabağı uzun müddət idi ki, oyun oynamırdıq. Sonuncu yoxlama oyunumuz may ayında ABŞ millisinə qarşı olub. Dünya çempionatına görə milli komandalar məşğul idi. Ona görə də sınaq matçı keçirə bilməmişdik. Hesab edirəm ki, Özbəkistanla matçda nəyimizin olub-olmamağını biləcəyik. Digər tərəfdən bu matçda “Qarabağ” və “Neftçi”nin futbolçuları olmayacaq. Belə qərara gəlindi ki, Avroliqanın pley-off mərhələsinin oyunları daha vacibdi və həmin futbolçular orada iştirak edəcəklər. Bu səbəbdən də Rusiya yığması ilə də yoxlama oyunu keçirəcəyik ki, komanda tam şəkildə bir yerdə olsun və xətlər arasında, ümumiyyətlə komandamızda hansı çatışmazlıqların olduğunu görə bilək. Bu, doğru qərardı.

– Avropa çempionatının seçmə mərhələsinə hazırlaşırıq, amma rəqibimiz Özbəkistan Asiya təmsilçisidi. Bu komandanı seçməkdə məqsəd nədi?

– Birincisi, Özbəkistan millisi son dövrlərdə dünya çempionatının final mərhələsinə vəsiqə qazanmaq üçün pley-off oynayır. Bu da onların Asiya təmsilçisi olmağına baxmayaraq, hansı səviyyədə olmasını göstərir. Hesab edirik ki, onlar Bolqarıstan millisinə yaxın oyun nümayiş etdirirlər. Onlar da texnikalı futbola üstünlük verirlər, qısa ötürmələrdən istifadə edirlər. Bolqarıstanın oyununa özüm də baxmışam, sözsüz ki, bəzi nüanslarda fərqlər var, amma eyni üslubda oynayırlar. Buna görə də Özbəkistan Asiya təmsilçisi olsa da, da yaxşı rəqibdi.

– Bəs Rusiya millisini hansı rəqibimizə oxşadığı üçün seçmisiz?

– Rusiyanın oyunu Norveç millisinə yaxındı. Təbii ki, Rusiya Norveçdən daha güclü komandadı. Həm də güclü rəqiblərə qarşı necə çıxış etdiyimizi yoxlamaq üçün Rusiya millisi ilə yoxlama matçı keçirməyin qərara alındığını düşünürəm. Təbii ki, bu, baş məşqçimiz Berti Foqtsun qərarı ilə olub. Mən sadəcə olaraq, öz subyektiv fikirimi deyirəm. Məncə, bu səbəbdən Rusiya ilə yoxlama matçı keçiriləcək.

– Komandaya yeni milliməşdirilmiş futbolçu – Emin Nurini dəvət etdiniz. Ondan nə gözləyirsiz?

– Onunla bağlı böyük gözləntimiz var. İsveç klubunda, “Kalmar”da çıxış edir, yaxşı da təsir bağışlayır. Foqts onun oyununu izləyib. Onun güclü fiziki göstəriciləri var. Yarımmüdafiə mövqeyində çıxış edir. Hesab edirik ki, güclü rəqiblərə qarşı oyunlarda meydanın mərkəzində güclü mübarizə getdiyinə görə, onun kimi oyunçulara ehtiyacımız var. Gözləntimiz də güclü rəqiblərlə oyunda qarşı tərəfin meydanın mərkəzindəki hegemonluğunu aradan götürməkdi.

– Bu futbolçu gec kəşf olundu, yoxsa, ortada sənəd problemləri var idi?

– Xeyr, pasport problemi yox idi. Onun nənəsi azərbaycanlıdı. Yəqin ki, əvvəllər özünü yaxşı göstərə bilmədiyi üçün diqqət cəlb etmirdi. Amma o, yarımmüdafiə mövqeyində çıxış etməyinə baxmayaraq, hazırda qollar da vurur. Özünü yaxşı tərəfdən göstərən hər bir futbolçu üçün milli komandanın qapısı açıqdı.

– Milliləşdirilmiş oyunçular ölkəmizin futbol ictimaiyyəti tərəfindən elə də yaxşı qarşılanmır. Əksəriyyət deyir ki, Azərbaycan millisində azərbaycanlılar oynamalıdı…

– Birmənalı qarşılanmır, amma azərbaycanlı uşaqlar da millidə oynamaq tələblərinə tam cavab vermir. Sözsüz ki, bunu bütün futbolçularımıza şamil etmək olmaz. Amma bəzi futbolçularımız Avropa standartlarına uyğun deyillər. Biz də futbolumuzun, yerli oyunçularımızın inkişafı üçün xaricdə yaşayan azərbaycan əsilli futbolçularımızı milliləşdirməyə çalışırıq. Təbii ki, bu da uzun müddət davam etməyəcək. Artıq bundan qırağa çıxıb, yerli futbolçularımızı götürmək istəyirik. Amma elə futbolçularımız var ki, yerli klublarımızda belə çıxış edə bilmirlər, ehtiyatda otururlar. Belə futbolçuları milliyə necə dəvət edək? Hamı da milli komandadan yaxşı nəticələr gözləyir. Oyun praktikası olmayan futbolçunun da yığmada oynaması bir az gülünc görünür. Bu baxımdan da milli komanda çətin vəziyyətdə qalır. Sözsüz ki, klublarımız da nəticə qazanmaq istəyir və legionerlər gətirir. Bəzən də həmin legionerlərin sayəsində yaxşı nəticə əldə edirlər. Amma burada Azərbaycan futbolu nə qazanır? Əgər yaxşı legionerlər gəlirsə, yerli futbolçularımız da onlardan nəsə götürə bilir. Onların oyun praktikası olmayanda da, biz kimisə milliləşdirmək məcburiyyətində qalırıq. Bu, o demək deyil ki, biz futbolçuları milliləşdirməyi çox istəyirik. Çıxılmaz vəziyyətdə qaldığımız üçün bu addımı atırıq.

– Bizim futbolçuların legioner həyatı yaşamağı milli üçün daha yaxşı olar. Amma bəzi futbolçularımız Türkiyə PTT 1-ci Liqasında oynamağı özlərinə yaraşdırmırlar. Son vaxtlarda belə ab-hava yaranıb ki, futbolçularımız məcburiyyətdən oraya üz tutur. Siz həmin çempionatın səviyyəsini necə qiymətləndirərdiz?

– Yəqin hamı mənimlə razılaşar ki, bizdə çempionatın səviyyəsi aşağı, futbolçulara verilən pullar isə yüksəkdi. Düzdü, mən heç kimin pulunu saymaq istəmirəm, hamının halal xoşu olsun. Mən də oynayan vaxtı bəlli bir məbləğ qazanırdım. Məncə, bu barədə futbolçularımızı da qınamaq olmaz. Düşünürəm ki, onların yerində kim olsa, eyni addımı atar. Amma düşünün ki, Hollandiya, Belçika, yaxud İsveç kimi orta səviyyəli çempionatlarda çıxış edirsən və Azərbaycanda aldığın məvacibin üçdə birini alırsan. Üstəlik, çempionatın səviyyəsi yüksəkdi və öz üzərində işləməlisən, daim güclü mübarizə aparmalısan. Belə olan halda da heç kim getmək istəmir və Azərbaycanda qalmağı üstün tutur. Bununla da razılaşmaq olar ki, bəziləri Azərbaycan klublarında özünə yer tapa bilməyəndə, məcburiyyətdən Türkiyə 1-ci divizionuna üz tutur. Amma mən bizim futbolçuların Türkiyə PTT 1-ci Liqasında çıxış etməsini dəstəkləyirəm. Çünki orada həm oyunlar çox olur, həm də orada futbolçunu fiziki cəhətdən daha yaxşı hazırlayırlar. Düzdü, bəzi komandalarımızda fiziki hazırlığa yaxşı fikir verilir. Çünki onlar Avroliqada çıxış edirlər və komandalarındakı fiziki hazırlıq üzrə məşqçilər da savadlı olurlar. Amma bəzi klublarımızdakı futbolçular fiziki cəhətdən o qədər də yaxşı hazır olmurdular. Bir də düşünürəm ki, Azərbaycanda ehtiyyatda qalmaqdansa, həmin Türkiyə klublarında çıxış edib, oyun praktikasını artırmaq daha yaxşı olardı.

– İki klubumuz “Qarabağ” və “Neftçi” Avroliqanın pley-off mərhələsindədi. Onlardan hansı nəticəni gözləyirsiz. Ağdam təmsilçisi yenə “Tvente” ilə üz-üzə gələcək. O vaxtkı “Tvente” ilə indikinin arasında nə kimi fərqlər var? Çünki siz də “Qarabağ”da çıxış edərkən onlara qarşı oynamısız…

– Bəli, o vaxt mən “Tvente”yə qarşı oynamışam. Qeyd edə bilərəm ki, bu “Tvente” o vaxtıkı kimi güclü deyil. Yəqin ki, hamı da mənimlə razılaşar ki, əvvəlki “Tvente” daha güclüdü. O vaxtkı “Tvente”nin məqsədi çempion olmaq idi və ona da nail oldular. Onlar “Ayak”sı, “Roda”nı arxada qoyub, çempion oldular. “Fənərbaxça”dan tanıdığımız Miroslav Stok həmin heyətdə çıxış edirdi. O, elə oradan “Fənərbaxça”ya transfer olundu. Argentinalı futbolçuları var idi. Yəni güclü heyətə malik idilər. Son dövrlərdə isə ola bilər ki, maliyyə cəhətdən problemlər yaşayırlar. Ötən mövsüm başa çatdıqdan sonra 14 futbolçu satıblar. Özü də yaxşı qiymətə. Haradasa, onların ortalama qiyməti 7-8 milyon avro idi. Həmin futbolçuların gedişindən sonra, yəqin ki, komandanın gücü nisbətən azalıb. Komandadakı futbolçularının ortalama yaşı 21-di. “Tvente”nin hazırkı məqsədi akademiyadan futbolçu yetişdirib, klubu maliyyə cəhətdən gücləndirməkdi. Bu səbəbdən də deyə bilərik ki, rəqib əvvəlki kimi güclü deyil. Digər tərəfdən, bu “Qarabağ” da əvvəlki kimi deyil. İndi daha oturuşmuş, heyətində səviyyəli legionerləri olan “Qarabağ” var. Bu amil də “Qarabağ”ın qrup mərhələsinə daha yaxın edir. Əminəm ki, bunun öhdəsindən gələ biləcəklər. Sözsüz ki, bu, “Valletta”ya qarşı oyun kimi olmayacaq. Rəqib Hollandiya futbolunun nümayəndəsidi və ən azından burada səviyyə və məşqçi işi görünəcək. Çətin olacaq, amma 100 faiz əminəm ki, “Qarabağ” qrup mərhələsinə vəsiqə qazanacaq.

“Neftçi”nin rəqibinə gəldikdə isə, “Partizan”da bir balaca maliyyə problemləri var. Eşitdiyimə görə, onlar 4 aydı maaş ala bilmirlər. Bu səbəbdən də oyunçular üsyana qalxıblar. Əldə etdiyim digər məlumata görə, Serbiya təmsilçisinin prezidenti söz verib ki, qrup mərhələsinə adlayanda 9 milyon avroya yaxın pul qazanacaqlar və həmin pulla da maaşlar ödəniləcək. Rəhbərlik bu barədə söz verib. Sözsüz ki, futbolçular da meydana çıxanda var gücü ilə çalışacaqlar. Bu baxımdan da “Neftçi”nin işi bir az çətindi. “Neftçi”nin oyununa təsir edə biləcək digər məsələ isə Saşa Stamenkoviç amilidi. Bildiyimiz kimi, “Srvena Zvezda” və “Partizan” əzəli, barışmaz rəqibdi. Bu komandaların azarkeşləri isə fanatizmlə məşğuldu. Mən deyərdim ki, həmin komandalar arasındakı gərgin münasibət “Qalatasaray” və “Fənərbaxça” arasında olan əzəli rəqabətdən daha üstündü. Hər iki klub və azarkeşlər arasında bir-birinə nifrət hissi güclüdü. Stamenkoviç də “Srvena Zvezda”nın yetirməsi olduğu üçün bu matçlarda təzyiq altında olacaq. Hətta Stamenkoviçin Avropa Liqasının qrup mərhələsi çərçivəsində “Neftçi”nin heytəində “Partizan”a qarşı çıxış etməsi rəqib fanatlarının böyük etirazına səbəb olmuşdu. Eşitdiyimə görə, Serbiyadakı oyundan sonra hətta Stamenkoviçi döyməyi də planlaşdırırlarmış. Belə təzyiq altında oynamaq çətindi. Əgər Saşa özündə güc tapıb, yaxşı oynasa, yaxşı olar. Çünki demək olar ki, o, komandanın yarısıdı və “Neftçi”nin bu mərhələyə gəlib çıxmasında onun da danılmaz rolu var. Düşünürəm ki, “Neftçi” bu maneəni aşsa, yaxşı nəticə əldə edə bilər.

ELMAR VƏLİYEV

Əlaqəli xəbərlər:

Reklam

Ölkə futbolu2024-04-23 12:31

AFFA-da gündəm: 12 komandalı Premyer Liqa, aşağı liqa klublarına dəstəyin artırılması

Milli komanda2024-04-23 16:30

Milli komandaya məşqçi seçimi: “Ad açıqlaya bilmərik”

Ölkə futbolu2024-04-24 08:00

Musa “Yurqorden”dən ayrılır: “Heç nəyi istisna etmirəm”

Ölkə futbolu2024-04-23 08:00

“Səbail” “Sabah”a uduzsa…

Futbolinfo.az

Aslan Kərimov: "Çıxılmaz vəziyyətdə qaldığımıza görə əcnəbiləri milliləşdiririk"

Reklam

“Sabah” müntəzəm mövsümü zirvədə tamamladı

“Komanda olaraq yetərincə yaxşı müdafiə olunmuruq” – Bojoviç

“Final iki dostun qarşılaşması olacaq” – Qurban Qurbanov

“Sabah” bölgələrdə seçimlərə başlayır

“Qarabağ”ı finala çıxaran növbəti darmadağın – VİDEO

“Qəbələ”də 300-cü oyun

Xavi qalsa, Silvanın transferini istəyəcək

“Qarabağ” “Neftçi”yə yenə 4 qol vurdu, finala çıxdı

“Milan” vidalara hazırlaşır

Sərxan Hacıyev məşqçi seçməyə gedib

“Ferrari” komandasının adı rəsmən dəyişdi

“Bizi çox gərgin sonluq gözləyir” – Rəşad Sadıqov

“Belə durumda olmağımız əzabvericidir” – Sxadadze

Orxan vəziyyətin dəyişəcəyinə inanır

“Zirə”ni finala daşıyan inamlı qələbə – VİDEO

“Zirə” finalda!

Azərbaycan çempionatında sərbəst güləş yarışı başa çatdı

AVF ilə GVF arasında memorandum imzalandı

Azərbaycan avarçəkəni Türkiyədə iki medal qazanıb

Region Liqasının final oyununun yeri müəyyənləşib

Naxçıvan Futbol Federasiyasının sabiq baş katibi vəfat edib

Azərbaycan avarçəkənləri Avropa Olimpiya Təsnifat Reqatasında iştirak edəcəklər

Azərbaycan tennisçisi Belçikada bürünc medal qazandı

“Qəbələ”də iki itki

Teves xəstəxanaya yerləşdirildi

İdman və düzgün qidalanma

“Sumqayıt”ın legioneri: “Bu heyət bizə bəs etməyəcək”

“Yuventus” rekordunu yenilədi

Ramos “Neftçi”yə “Qarabağ”la rəqabət aparmağın yolunu göstərdi

19 illik dönəm bitir

Millimizin bolqarlarla heç-heçəsi – VİDEO

“Səbail” “Sumqayıt”a belə məğlub oldu – VİDEO

“Qəbələ” “Sabah”a belə qalib gəldi – VİDEO

“Kəpəz” “Sabah”a belə uduzdu – VİDEO

“Qəbələ” “Zirə”yə belə uduzdu – VİDEO

Qəbələdə 5 qol – VİDEO

“Səbail” “Neftçi”yə belə məğlub oldu – VİDEO

“Turan Tovuz”la “Qarabağ”ın məhsuldar heç-heçəsi – VİDEO

Ayxan Abbasov: “VAR-da olanlar başqa oyuna baxırdılar” – VİDEO

Qurban Qurbanov: “Oyunumuzdan razı qalmadım” – VİDEO

“Qarabağ”dan “Neftçi” üzərində inamlı qələbə – VİDEO

“Qəbələ” “Səbail”ə belə uduzdu – VİDEO

“Mütləq çempion olmaq kimi məqsədimiz yoxdur” – Rəşad Sadıqov

“Araz-Naxçıvan” “Zirə”yə belə qalib gəldi – VİDEO

“Kəpəz” “Qəbələ”yə belə uduzdu – VİDEO

Azər Məmmədov: “Çempionatın sonuna qədər…” – VİDEO

Elmar Baxşıyev: “Qələbə təsadüfi də ola bilər” – VİDEO

Gəncə azarkeşlərindən Tərlan Əhmədov səsləri – VİDEO

“Səbail”lə “Sabah”dan məhsuldar heç-heçə – VİDEO

“Turan Tovuz” “Neftçi”yə belə uduzdu – VİDEO

“Qəbələ” “Qarabağ”a belə uduzdu – VİDEO

“Səbail” “Araz-Naxçıvan”a belə qalib gəldi – VİDEO

“Sabah”la “Kəpəz”dən məhsuldar heç-heçə – VİDEO

“Zirə”nin “Neftçi” ilə heç-heçəsi – VİDEO

Turun açılış matçında heç-heçə – VİDEO

Millimiz Niderlandı belə darmadağın etdi – VİDEO

“Qarabağ” “Sabah”ı belə məğlub etdi – VİDEO

“Qəbələ”nin “Turan Tovuz”la heç-heçəsi – VİDEO

“Səbail”dən darmadağın – VİDEO

Azər Məmmədov: “Oyunumuz alınmadı” – VİDEO

Facebook

Gündəm