Milli komanda
"Hər gələni milliyə yaxın buraxmaq olmaz"
Futbol üzrə Azərbaycan milli komandası dünən yoxlama mat…
Futbol üzrə Azərbaycan milli komandası dünən yoxlama matçı çərçivəsində Özbəkistanla qarşılaşdı. Futbolinfo.az xəbər verir ki, sönük keçən oyunda qapılara top vurulmadı.
Millimizin baş məşqçisi Berti Foqtsun bu dəfə də heyətə cəlb etdiyi legioner futbolçular ümidləri doğrultmadı. "Bakcell Arena"ya toplaşan azarkeşlər də maraqlı qarşılaşma izləmək əvəzinə, stadiona gəlməyə peşman oldular. Berti Foqts isə öz növbəsində futbolçulardan narazı qalmadığını bilmədi. Alman çalışdırıcı yenə təkrar sözlər işlətsə də, onun gördüyü işlər göz qarşısındadı. Artıq bu cür oyunla millimizin 2016-cı ildə keçiriləcək Avropa Çempionatın seçmə mərhələsində uğurlu nəticə göstərəcəyi şünhəlidi. Bəs görəsən, mütəxəssislər necə, dünənki oyundan razı qaldılar?
Şahin Diniyev (işsiz mütəxəssiz): "Mən qısa danışacam. Bir şeyə təəssüflənirəm ki, toplanışa gələn futbolçuların səviyyəsi millidən çox aşağı idi. Hər gələni milliyə yaxın buraxmaq olmaz. Hər gələnə millidə oynamaq üçün pasport vermək olmaz. Belə futbolçular bizdə yetərincədi. Oyun haqda danışmağa ehtiyac yoxdu. Yoxlama matçı olduğu üçün bunları müzakirə etməyə dəyməz. Bu futbolçulara hansı məşqçilər baxıb, bilmirəm. Soyadına görə Azərbaycana aid olmayan birini milliyə çağırmaq yaxşı hal deyil. İmici qorumaq lazımdı. Yaxşı seleksiya işləri görmək lazımdı".
Ağasəlim Mircavadov (işsiz mütəxəssiz): "Adətən yoxlama görüşündə taktiki gedişlər üzərində çalışır. Oyunçularda da istək olmalıdı. Çox aşağı səviyyədə oynadılar. Bir balaca Əfran İsmayılov oyuna daxil olandan sonra hərəkət etmək istəyirdi. Milliyə Almaniyadan dəvət olan futbolçular özlərini milliyə layiq olmaq üçün isbatlamalıdılar. Əgər aşağı səviyyədə oynayırlarsa, bunları niyə çağırırlar? Hər ay millimiz bir oyun keçirməlidi. Bu, həm təcrübə, həm də oyunçuları yoxlamaq üçün lazımdı. Azarkeşi yaxşı oyunla stadiona cəlb edirlər. Dünən çox gözəl himn səsləndi. Bu da mənim çox xoşuma gəldi. Bir dənə bunu yüksək qiymətləndirirəm. Özbəksitanın oyunu daha çox xoşuma gəldi. Özü də onların heyətində bir nəfər də olsun legioner yox idi".
Arif Əsədov (işsiz mütəxəssiz): "Yeni oyunular da dəvət olunmuşdu. Hiss olunurdu ki, futbolçular uzun müddətdi bir yerdə oyanmırlar. Xətlər arasında əlaqə yox idi. Rəqib də Özbəkistan millisi idi. Avropa komandası olsaydı, bəlkə də heç-heçə bizi qane edərdi. Yoxlama matçı olmasına baxmayaraq, belə komandaları evdə məğlub etməliyik. Milliləşdirilmiş futbolçuların yığmaya çağırılmasının tərəfdarı deyiləm. Öz gənc futbolçularımızı oynadaraq, onların təcrübəsini artırmalıyıq. Bu proses çoxdan davam edir. Dəvət olunan futbolçuların da millidə qalıb-qalmaması sual altındadı. Bizim futbolçulardan elə də üstün oyunçular deyildi. Gərək bizim futbolçular öz üzərində çalışsınlar ki, kənara üz tutmasınlar. Kənardan futbolçu gətirməkdənsə, yerli çempionatda çıxış edənləri cəlb etmək daha səmərəlidi. Hansısa menecerin təklifi ilə futbolçu gətirməkdənsə, yerli çempionatda çıxış edənlər üzərində çalışmaq yaxşıdı".
Əfqan Talıbov (işsiz mütəxəssiz): "Hər iki milli komandanın baş məşqçisi yeni oyunçuları yoxladı. Meydanda olan futbolçular fərdi qaydada özünü kimdənsə üstün göstərmək istədi. Maraqlı kombinasiyaların qurulmasında iştirak etmədilər. Yaxşı oyun nümayiş olunmadı. Yorğun görünürdilər, çox qaçmaq istəmirdilər. Məvacibləri, şəraitləri yaxşıdı. Ancaq neçə illərdi oyunlarında dönüş yoxdu. Artıq səviyyəli futbol nümayiş etdirmək lazımdı. Özbəksitanın da heyətində əsas oyunçular yox idi. Milinin oyunundan sonra BATE-nin oyununa baxdım. İnsan çox təəccüblənir. Onlarda heç bir legioner yoxdu. "Olborq"da ancaq yerli futbolçular çıxış edir. Özbəkistana 2-3 qol vurmaq lazım idi ki, azarkeşlərə sevinc yaşatsınlar. Əfsuslar olsun ki, zəif çıxış edirlər. Bəlkə də, artıq millidə yerlərini bərkidiblər. Nə xətlər arasında əlaqədən, nə də hansısa futbolçunun ustalığından söhbət belə gedə bilər. Çox aşağı səviyyədə oyun oldu. Rusiya ilə yoxlama görüşündən sonra Bolqarıstanla qarşılaşacağıq. Arzu edək ki, bundan sonra işlərinə məsuliyyətli yanaşarlar. Elə bil ki, bir insan maketidi. Nə qolu var, nə də gözü. Sınıq-salxaq oyuna bənzədi. Təzə çağırılan futbolçuların ustalıq səviyyəsi yox idi. Oyun çox sönük keçdi. Bu da bizi məyus etdi. Milliyə çağırılan futbolçu yer uğrunda mübarizə aparmalıdı".
EMİN SƏFƏROV
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-23 08:00
“Səbail” “Sabah”a uduzsa…
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”