Müsahibə
"Azərbaycan qalib gəlsə, oyunçuları 10 min avrodan daha çox mükafat alacaq"
2008-2013-cü illər aralığında Bakı "İnter"ində &…
2008-2013-cü illər aralığında Bakı "İnter"ində çıxış etmiş Petar Zlatinov AÇ-2016-nın seçmə mərhələsi çərçivəsində keçiriləcək Azərbaycan – Bolqarıstan matçı ilə bağlı fikirlərini açıqlayıb. Futbolinfo.az xəbər verir ki, ölkəsinin mətbuatına danışan bolqarıstanlı hücumçu maraqlı məqamlara toxunub.
– Bu ölkənin futbolunu yaxından tanıyan biri kimi, Azərbaycan millisi haqqında nə deyə bilərsiz?
– Azərbaycan millisi elə bir komandadı ki, əgər ona şans versən, mütləq yararlanacaq. Əgər siz onlara lazımınca müqavimət göstərsəz və desəz ki, biz qələbəni daha çox istəyirik, onda Bolqarıstan bu oyunda problemlə üzləşməyəcək. Onlarda geniş seçim və böyük adlar var. Mən elə də fərqlilik olacağını düşünmürəm. Rəqib komandaya bütövlükdə nəzər yetirdikdə, onların meydanda necə intizamlı olduğunu görürsüz. Baş məşqçiləri Berti Foqts bununla bağlı futbolçularını hazırlayır və onlardan tələb edir.
– Orada Azərbaycana böyük azarkeş dəstəyi olacaqmı? Çünki oradakı seyirçilərin fanatik olduğu deyilir.
– Ümumilikdə nəzər yetirsək, oradakı insanları çoxu, lap çoxu elə də futbol həvəskarı deyil. Onların çoxu boks, güləş və s. kimi digər idman növlərinə maraq göstərir. Eyni zamanda orada futbol həvəskarları da var. Xüsusən də milli komandanın oyununda stadionu doldururlar və böyük dəstək verirlər. "İnter"in prezidenti Georgi Nikolovun bu oyunla bağlı müsahibəsini oxudum. O, düz deyir. Əgər biz rəqibə icazə versək ki, rahat oynasın və bizi üstələsin, onda azarkeşləri də onlara tərəf duracaq. Əgər meydanda üstün tərəf biz olsaq, onda heç bir problem olmayacaq.
– Nikolov həmçinin qeyd edib ki, onlar qalib gələcəkləri təqdirdə 10 min avro mükafat alacaqlar. Sizcə, bu amil rəqibin oyununa necə təsir edər?
– Bəli, doğrudu. Hesab edirəm ki, onlara daha çox pul veriləcək. Hələ bu 10 min avro azdı. Onlar qələbə qazansalar, daha çox pul qazanacaqlar.
– Bildiyimizə görə, ötən mövsüm Rusiya millisi ilə heç-heçəyə görə onlara 50 min avro mükafat verilmişdi. Bu, real məsələdi?
– Bəli, o vaxt Rusiya millisi ilə heç-heçəyə görə onlar 50 min avro aldı. Ola bilsin ki, həmin oyunun tarixi önəmi vardı. Bu, bir şeyi sübut edir ki, Azərbaycan elə bir komandadı ki, problem yarada bilər. Kim onlara yuxarıda aşağı baxırsa, ona problem yaradacaqlar. Xüsusilə də Bakıda.
– "İnter"də (Bakı) keçirdiyiniz 5 illə bağlı nə deyə bilərsiz?
– Böyük xatirələrim var. Orada olduğum müddətdə 2 il çempion olduq. Bir dəfə 2-ci, iki dəfə də 3-cü yerə sahib olduq. Orada mənim tostlarım və tanışlarım var. Onlarla hələ də əlaqə saxlayıram. Azərbaycanda futbolçu karyeramın ən yaxşı dönəmlərini keçirdim. Orada həm şəxsi, həm də futbol həyatımla bağlı əla 5 il yaşadım.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub