Müsahibə

“Kişiləri indi daha yaxşı başa düşürəm…”

Stadionda istənilən vaxt bir sektor var ki, ora daha coşqulu və ma…

Saat: 09:35 Tarix: 19/09/2014

tərəfindən paylaşıldı

Stadionda istənilən vaxt bir sektor var ki, ora daha coşqulu və maraqlı olur. Üzərindəki ciddiyyəti qorumağa çalışıb qışqırmayanlar, matçı filmə baxar kimi izləyənlər hər zaman fan-klub sektoruna həsədlə baxır.

Dünən isə xanımlar növbəti sahədə də stereotipləri qırıb, stadiona axışdı. Əvvəla, “niyə bizim “Qarabağ” xanımlardan ibarət fan-klubumuz olmasın” dedi, sosial şəbəkədə geniş kütləni ətrafına, sonra isə onların müəyyən hissəsini stadiona topladı. 34-cü sektoru (media sektorunun aşağı hissəsi) bəzəyən xanım media nümayəndələri və azarkeşlər matçda varlığını kifayət qədər hiss etdirsələr də, görünür, qarşı cinsin nümayəndələrinin onların varlığına, yəni 34-cü sektorun xanımlara məxsusluğuna öyrəşməsi zaman alacaq.

Fan-klubun yaradıcısı, telejurnalist Günay Yelmarqızı təşkilatçılıqdan məmnundu, amma gözləntisi daha böyükdü. O, bizimlə söhbətində bütün həmcinclərini “Qarabağ”ın xanımlardan ibarət fan-klubuna dəvət etdi:

– Fanklubun yaradıcısısınız. Fan-klub yaratmaq qərarına necə gəldiniz?

– Ən çox xanım azarkeşi olan klub “Qarabağ”dır. Mən əvvəllər də belə bir təşəbbüslə – Avroliqanın oyunlarında “Qarabağ”ı stadionda dəstəkləmək ideyası ilə çıxış etmişdim, sosial şəbəkələrdə belə bir təbliğat aparıb, tanınmış jurnalist həmkarlarımı bir araya toplamışdım. Ondan sonra “Qarabağ”ın oyunları xanımlar arasında daha da populyarlaşmışdı. Elə ovaxtdan təklif etmişdilər ki, bir halda belə fəalsınız, “Qarabağ”ı dəstəkləyirsiniz, xanımlar arasında təbliğ edirsiniz, onda gəlin, “Qarabağ”ın fan-klubunu da yaradın. Düzü, sonra bir az təmbəllik etdim, amma son oyunlarda bu mövzu aktuallaşdı və ani olaraq “Qarabağ” xanımlarının fan-klubunu yaratmaq qərarını verdik. Bilirəm ki, bütün həmkarlarım belə bir fan-klubun olmasını arzulayırdılar, sadəcə, ilk addımı mən atdım. Bu fan-klubu bütün “Qarabağ” azarkeşləri adına açmışam. Bütün həmkarlarımın ətrafımda birləşməsini istəyir və bütün xanımları fan-kluba qoşulmağa dəvət edirəm.

– Xanımların oyuna münasibəti necədi? Ümumi ab-havadan razısınızmı?

– Mən artıq bir neçə ildir ki, xüsusən “Qarabağ”ın Avroliqa oyunlarında stadiona dəstək üçün gəlirəm, xanım həmkarlarım da eynilə. Bu gün çox yaxşı təsir bağışladıq. Fan-klub olaraq ilk dəfə stadionda idik. Facebookda dünən səhifəmizi açmışıq, hələ təşkilat kimi tam formalaşmayıb. Bu sektor 54 nəfər tutur. Bizi dəstəkləyən çoxdur, bir neçə saat ərzində facebook səhifəmizi 500-dən çox adam bəyənmişdi. Bu, o deməkdir ki, bizə maraq var.

– Sizcə, xanımlara 54 nəfərlik yer ayrılması doğrudurmu?

– Bizim məqsədimiz odur ki, fan-klub getdikcə böyüsün, inkişaf etsin və təbii ki, maraqlı layihələrimiz olacaq.

İlk fasilədə fikirlərini paylaşan “Bakupost” saytının sosial şöbənin müdürü Yaqut Tapdıqqızı xanımların “Qarabağ”ı sonadək dəstəkləyəcəyini vurğulayıb, matçın gedişatını da şərh etdi:

– Əvvəla, burada iştirak edən xanımlara təşəkkürümü bildirirəm, xüsusən, Günay Yelmarqızının adını qeyd etmək istəyirəm. Çünki “Qarabağ” futbol klubunun xanım azarkeşlərini bir araya yığmaq məhz onun təşəbbüsü idi. Adətən belə bir fikir olur ki, xanımlar futbolu sevmirlər, bəzən deyirlər ki, başa düşmürük niyə kişilər topun arxasınca qaçırlar. Biz də başlayanda elə xanımlardan biri idik, amma “Qarabağ” futbol klubunun ilk oyunlarında iştirak edəndə istər-istəməz ruh coşqusu, xanımların bir-birini dəstəkləməsi fan-klubun genişlənməsinə səbəb oldu. Daha çox xanımı fan-kluba cəlb etmək fikrimiz var. Bu, sadəcə, jurnalistlərin toplaşdığı fan-klub deyil, çünki müxtəlif sahələrdən bizə qoşulanlar var. Arzumuz odur ki, sıralarımız və sayımız artsın. Görürsünüz, xanımlar fəaldırlar, “Qarabağ”ı sonadək dəstəkləyəcəklər.

– Xanımlar futbol üzrə Azərbaycan milli komandasının oyunlarında da iştirak edəcək, yoxsa yalnız “Qarabağ”ın oyunlarında?

– Xeyr, əslində, “Qarabağ”la bu addımı atdıq və gələcəkdə bunu genişləndirib, digər oyunlarda da xanımlar fan-klub kimi iştirak edəcəklər.

– Xanımlardan ibarət fan-klub sektoruna kənardan diqqət də az deyil. Bəylərin baxışları sizi narahat etmir ki?

– Belə deyək, əvvəllər daha etinasız, gülüş hədəfi kimi baxırdılar, amma indi yox. Əksinə, şərait yaradırlar, burada bir neçə jurnalist və ya bəyləri göstərə bilərəm ki, həyat yoldaşlarını gətiriblər, uşaqları ilə iştirak edirlər. Artıq “Qarabağ” klubunun xanımları matça ailə şəklində qoşulurlar.

– Oyunun gedişatı sizi qane edirmi? Nəticəni necə gözləyirsiniz?

– Əlbəttə, uğur, qələbə gözləyirik. “Qarabağ” klubu bu gün də digər oyunlardakı kimi gözəl hücum nümayiş etdirir, oyun qururlar. Elə bilməyin ki, xanımların başı çıxmır. Artıq öyrəniblər, yaxşı oyun qururlar, amma nə isə bizə elə gəlir ki, bizim zərbələrimiz bir az zəifdi. Çünki qapıdan topu keçirməyə əziyyət çəkirik.

Mədəniyyət və Turizm Nazirliyinin mətbuat katibi Zöhrə Əliyeva qələbə istəyini, enerjini futbolçulara göndərməyin lazım olduğunu vurğuladı:

– Mən hər zaman “Qarabağ”a azarkeşlik etmişəm. Amma böyük futbol bilicisi deyiləm. Bu komandanın qələbəsi hər birimiz üçün rəmz kimidir, yəni simvolik mənaları var, həm də futbolumuzun qələbəsini istəyirik. Amma eyni zamanda bu sətiraltı mənalar arzusunda olduğumuz qələbələrin çağırışıdır. Bu gün “Qarabağ” günüdür. Məncə, bu gün qələbə olmalıdır, bunu çox istərdim.

– Necə oldu xanımlar sırasına qoşuldunuz, necə ideyadır?

– Məncə, çox gözəl. Mən özüm Yelena Sidorenkoya zəng etdim və bu gənclərə qoşuldum. Çünki onların yanında olmaq istəyirəm. Çünki bu saat qələbə arzusu ilə yanan bütün ürəklərin yanında olmaq istəyirəm.

– Sizcə, bu gün qələbə bizimlə olacaq?

– Onu hardan bilmək olar, Allahın işidir, professionallıqdır. Sadəcə, o eşqi, o qələbə istəyini, o enerjini onlara göndərməliyik.

Xanım azarkeşlər üçün xüsusi sektor olduğunu bilib, stadiona gələn Şəhla Vəliyeva bu ənənə davam etdiyi halda davamlı şəkildə stadiona gələcəyini qeyd etdi :

– İlk dəfədir ki, stadiondayam, canlı futbol izləyirəm. Fan-klubu yaradan xanım facebookda dostluğumda var idi, həmin sahifəni gördüm və gəlib mən də o həyəcanı yaşamaq istədim. Çox həyəcanlıyam, stress bir tərəfdən… Kişiləri indi anlayıram.

– Matçı xanımlar ayrıca izləyəcəyi üçün gəldiniz?

– Bəli, sırf xanımlar ayrı olduğu üçün gəldim. Əslində, düşündüyüm kimi olmadı, çox söz atarlar, pis baxarlar, amma heç belə gözləmirdim, heç reaksiya vermirlər, yaxşıdır.

– Nəticəni necə gözləyirsiniz?

– 2:0. Birinci hissə bitdi, amma hələ də ümid edirəm, 2:0 hesabı ilə qələbə qazanacağıq.

– Növbəti oyunlara gələcəksinizmi?

– Fan-klub belə davam edərsə, xanımlar üçün ayrıca yer ayrılarsa, gələcəm.

Azarkeş Arzu Rzayeva fan-klubla matçın maraqlı olduğunu, kişilərinsə bunu zamanla qəbul edəcəyini bildirdi:

– Fan-klub barədə facebookda dost siyahımda olan Yelena Sidorenko məlumat verdi. O, təklif etdi ki, ayın 18-də “Qarabağ” klubuna xanımların dəstəyi olacaq. Onun təşəbbüsü ilə bu fan-kluba qoşuldum və gəlib izlədim. Nə yaxşı da gəlmişəm.

– Stadiona ilk gəlişiniz idi?

– Xeyr, ilk dəfə deyildi, amma “Qarabağ”ın oyununa ilk dəfə idi gəlirdim.

– Xanımların ayrıca matç izləməsi necə qərardı?

– Məncə, daha maraqlıdı və xanımlarımızın sayı daha çox olmalıdı. Kişilərimizin bir çox şeylərə baxışları hər zaman mənfi olub, amma zaman keçdikcə qəbul ediblər. Düşünürəm ki, müəyyən vaxt alacaq, amma qəbul edəcəklər.

– Matç necə keçdi?

– Heç-heçə bitdi, amma çox zövq verdi, çünki komandamızın oyunçuları bütün güclərini qoydular, çox təəssüf ki, olmayanda olmur, amma yenə də qarabağlıyıq, ürəyimiz onlarla döyünür.

– Xanımlara nə demək istərdiniz?

– Stadiona gəlsinlər, sevdikləri klublara dəstək olsunlar. Heç nədən və heç kimdən çəkinməsinlər. Biz demokratik ölkənin vətəndaşlarıyıq və seçimlərimiz də azaddır.

SEVİNC XANQIZI

Əlaqəli xəbərlər:

Reklam

Ölkə futbolu2024-04-22 08:00

İddialıların “autsayder ovu”

Ölkə futbolu2024-04-21 11:50

Rəfiyev “Sabah” üçün plan qurub: rəqibinin rəqibini stimullaşdırır

Ölkə futbolu2024-04-21 10:19

Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq

Ölkə futbolu2024-04-22 08:34

Musa “Yurqorden” dəftərini bağladı?

Futbolinfo.az

“Kişiləri indi daha yaxşı başa düşürəm…”

Reklam

“Sevilya”dan çətin qələbə

“İnter” – çempion!

Diniyevlə Şeydayev Türkiyədə qarşılaşdılar

“Fənərbaxça” “Sivasspor”la matçda xal itirdi

MEDİA sosial şəbəkə istifadəçilərinə müraciət edib

Azərbaycanın üç boksçusu AÇ-də günü qələbə ilə başa vurdu

AÇ: Azərbaycan paraüzgüçüsü gümüş medal qazandı

Azərbaycan komandası dünya birinciliyində çıxışını başa vurub

“Azərreyl” ölkə çempionu oldu

Lider əsas izləyicisini də məğlub etdi

“Barselona”nın futbolçusu üçün mövsüm başa çatdı

Daha 2 sabiq futbolçunun adı Premyer Liqanın Şərəf Zalına daxil edildi

Azərbaycan boksçusu AÇ-də erməni rəqibini məğlub etdi

I Liqada növbəti 2 turun proqramı açıqlandı

“Neftçi”nin əvəzediciləri xal itirdi, “Sabah-2” qələbə qazandı

“Udineze”də yeni baş məşqçi

“Borussiya” keçmiş əməkdaşını geri qaytardı

Bakının namizədliyi irəli sürüldü – 2026-cı ildə dünyanın “İdman Paytaxtı” olmaq üçün

“Real”ın qələbəsini ulduzlar da qeyd etdi

“Çox səhvlər etdik”

Millimizin üzvü “Dinamo”ya qarşı oynadı

Vinisius “el klasiko”larda ən çox qol vuran braziliyalı futbolçu oldu

Basketbol Liqasında müntəzəm mövsümün son turunun proqramı açıqlandı

“Real”ın futbolçusu “el klasiko”nun tarixinə düşdü

Azərbaycan millisi Avropa Kubokunda dördüncü oldu

Azərbaycan çempionatı keçiriləcək

Azərbaycan stolüstü tennisçiləri beynəlxalq yarışlara qatılacaqlar

MBA ilin nominantlarını açıqladı

MHL-də 1970-ci ildən bəri bir ilk

Şahmatda yeni dünya rekordu

Millimizin bolqarlarla heç-heçəsi – VİDEO

“Səbail” “Sumqayıt”a belə məğlub oldu – VİDEO

“Qəbələ” “Sabah”a belə qalib gəldi – VİDEO

“Kəpəz” “Sabah”a belə uduzdu – VİDEO

“Qəbələ” “Zirə”yə belə uduzdu – VİDEO

Qəbələdə 5 qol – VİDEO

“Səbail” “Neftçi”yə belə məğlub oldu – VİDEO

“Turan Tovuz”la “Qarabağ”ın məhsuldar heç-heçəsi – VİDEO

Ayxan Abbasov: “VAR-da olanlar başqa oyuna baxırdılar” – VİDEO

Qurban Qurbanov: “Oyunumuzdan razı qalmadım” – VİDEO

“Qarabağ”dan “Neftçi” üzərində inamlı qələbə – VİDEO

“Qəbələ” “Səbail”ə belə uduzdu – VİDEO

“Mütləq çempion olmaq kimi məqsədimiz yoxdur” – Rəşad Sadıqov

“Araz-Naxçıvan” “Zirə”yə belə qalib gəldi – VİDEO

“Kəpəz” “Qəbələ”yə belə uduzdu – VİDEO

Azər Məmmədov: “Çempionatın sonuna qədər…” – VİDEO

Elmar Baxşıyev: “Qələbə təsadüfi də ola bilər” – VİDEO

Gəncə azarkeşlərindən Tərlan Əhmədov səsləri – VİDEO

“Səbail”lə “Sabah”dan məhsuldar heç-heçə – VİDEO

“Turan Tovuz” “Neftçi”yə belə uduzdu – VİDEO

“Qəbələ” “Qarabağ”a belə uduzdu – VİDEO

“Səbail” “Araz-Naxçıvan”a belə qalib gəldi – VİDEO

“Sabah”la “Kəpəz”dən məhsuldar heç-heçə – VİDEO

“Zirə”nin “Neftçi” ilə heç-heçəsi – VİDEO

Turun açılış matçında heç-heçə – VİDEO

Millimiz Niderlandı belə darmadağın etdi – VİDEO

“Qarabağ” “Sabah”ı belə məğlub etdi – VİDEO

“Qəbələ”nin “Turan Tovuz”la heç-heçəsi – VİDEO

“Səbail”dən darmadağın – VİDEO

Azər Məmmədov: “Oyunumuz alınmadı” – VİDEO

Facebook

Gündəm