Ölkə futbolu
“Biz “Bakı”nı çempion olsun deyə sevmirik"
Məlum çətinliklərin fonunda bir çox azarkeşlər &ldq…
Məlum çətinliklərin fonunda bir çox azarkeşlər “Bakı”nı tərk etdi. Lakin bu sözlər “The Capital” (“Paytaxt”) Azad Azarkeş Qrupuna aid deyil.
Futbolinfo.az xəbər verir ki, Ramil Məmmədovun rəhbərliyi altında olan fanat qrupu “Bakı”nın hər bir oyununda tribunada öz yerini tutaraq müxtəlif ruhlandırıcı şüarlarla klubu dəstəkləyirlər. Elə bu səbəbdən də klubun sadiq azarkeşlərinə üz tutaraq onlar barədə məqalə hazırlamaq qərarına gəldik. Onlar nəticə üçün deyil, klubu sevdikləri üçün oyuna gəldiklərini deyirlər.
“The Capital”ın rəhbərinin fikirləri ilə tanış olaq: “Biz həmişə “Bakı”nın yanında, kluba dəstək olmuşuq. Yaxşı günlərdə yanındaydiqsa bu günlərdə də onu tək buraxa bilməzdik. Çünki biz “Bakı”nı çempion olsun deyə sevmirik, biz “Bakı” ilə yaşayırıq. İstər yaxşı, istərsə də pis günündə hər zaman ürəyimizdə “Bakı” sevgisi var və həmişə də olacaq!”
Azarkeş qrupunun fəallarından olan Anton Şvesov da həyatını “Bakı”sız təsəvvür edə bilmədiyini dilə gətirib: “2010-cu ildən “Bakı”ya azarkeşlik edirəm. İlk dəfə məhəllə uşaqlarımız “Qarabağ”a qarşı oyunda məni stadiona aparmışdılar. Həmin oyunda “Bakı” 0:1 uduzmuşdu. Sonra uşaqların çoxu komandanın zəif olduğunu görüb meydana gəmədilər. Amma o gündən bu günə mən “Bakı”nı ürəkdən sevdim. Bu klub həyatımda çox önəmli bir yer tutur, həyatımı “Bakı”sız təsəvvür edə bilmirəm. Saytınız vasitəsi ilə futbolçularımıza demək istəyirəm ki, bütün problemlərə baxmayaraq axıra kimi oynasınlar. Udsalar da, uduzsalar da, unutmasınlar ki, biz hər zaman onların yanında olacağıq, sona kimi dəstəkləyəcəyik. Biz sizinlə fəxr edirik”.
Fəallardan olan Yaqub Abbasov isə azarkeşlərdən gileyləndi: “Klubu nəyə görə sevdiyimi başa sala bilmərəm. Bu sevgini yaşamaq lazımdı. Azarkeşlik içdən gələn bir hissdi, bağlılıqdı. “Bakı” həyatımın bir parçasıdı. Onun oyunları bizim üçün təqvimdə bayram günləridi. İnanıram ki, klub tezliklə bu çətin vəziyyətdən çıxacaq və öz oyunu ilə onu gözügötürməyənlərin cavabını verəcək. Hafiz müəllimə səbirli olmağı arzulayıram. Bəzi həmkarlarıma da küsgünəm. Onlara sözüm var: Çalışın yaxşı günün fanatı olmayın. Yaxşı günlərdə oyunlara yüzlərlə “Bakı” azarkeşi toplanırdı, indi haradadır onlar? Bizim üçün heç bir fərqi yoxdur lap tək qalsam da sona qədər stadiona gəlib komandamı dəstəkləyəcəyəm”.
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub