Ölkə futbolu
Dövlət başçısı Olimpiya stadionunda tikinti işlərinin gedişi ilə tanış oldu
Azərbaycan Respublikasının Prezidenti İlham Əliyev və Avropa Oyu…
Azərbaycan Respublikasının Prezidenti İlham Əliyev və Avropa Oyunları üzrə Təşkilat Komitəsinin sədri Mehriban xanım Əliyeva oktyabrın 15-də Bakı Olimpiya Stadionunda tikinti işlərinin gedişi ilə tanış olublar. Futbolinfo.az xəbər verir ki, ölkəmizdə idmana göstərilən yüksək dövlət qayğısı nəticəsində digər sahələrdə olduğu kimi, son illər bu sahədə də sürətli inkişafa nail olunub.
Artıq Azərbaycan dünyada idman ölkəsi kimi tanınır. Birinci Avropa Oyunları kimi mötəbər idman tədbirinin ölkəmizdə keçirilməsi ilə bağlı qərarın qəbul edilməsi bunun daha bir əyani göstəricisidi.
İlk Avropa Oyunlarına hazırlıq işlərini dövlətimizin başçısı və Azərbaycanın birinci xanımı daim diqqət mərkəzində saxlayırlar. Prezident İlham Əliyev və xanımı Mehriban Əliyeva müxtəlif idman yarışlarının keçirilməsi üçün nəzərdə tutulan Bakı Olimpiya Stadionunda inşaat işlərinin gedişi ilə mütəmadi olaraq maraqlanır, işlərin vaxtında və yüksək keyfiyyətlə həyata keçirilməsi ilə bağlı müvafiq tapşırıq və tövsiyələrini verirlər.
Dövlətimizin başçısı və xanımı ötən gün Bakı Olimpiya Stadionunda ayrı-ayrı inşaat sahələrini gəziblər, görülən işlərlə yerindəcə tanış olublar. Prezident İlham Əliyevə ötən müddətdə görülən işlər barədə ətraflı məlumat verilib.
Tikinti işlərinin gedişi ilə tanış olan dövlətimizin başçısı müvafiq tapşırıq və tövsiyələrini verib. (AFFA)