Müsahibə
Böyükağa Hacıyev: "Mən də qorxuram"
"Neftçi"nin sabiq baş məşqçisi Böy&uum…
"Neftçi"nin sabiq baş məşqçisi Böyükağa Hacıyevin futbolinfo.az saytına müsahibəsi
– Uzun müddətdi hamının gözlədiyi baş verdi. Berti Foqts millidən getdi…
– Şükürlər olsun… Siz mənim bir sualıma cavab verin görüm, Foqts buna qədər harada işləyib və xeyir verib?
– Almaniya yığması ilə 1992-ci ildə Avropa Çempionatının finalçısı, bir dəfə də UEFA Avropa Kubokunun qalibi…
– Siz ondan nə gözləyirdiniz ki? Hazır komandaya gəlmişdi də. Onun vaxtında yığmada virtouzlar – Matteus, Klinsmann kimi futbolçular çıxış edirdi. Siz nə danışırsız? Ona görə də ondan heç nə gözləməyə ehtiyac yox idi, heç nə.
– Əksəriyyət milliyə yerli məşqçinin gəlməsini istəyir. Sizin fikiriniz necədi?
– Hökmən azərbaycanlı məşqçi gəlməlidi. Azərbaycan futbolunu, mentalitetini bilən məşqçi işləməlidi. Eyni zamanda azərbaycanlı futbolçuları tanıyan məşqçi çalışmalıdı.
– Müzakirələrdə ən çox sizlə yanaşı Qurban Qurbanovun adı hallanır…
– Bilirsiz necədi? İstər Qurban Qurbanov, istər mən, ya da Vaqif Sadıqov, Ağasəlim Mircavadov olsun. Hökmən yerli məşqçi olmalıdı.
– Sizə millinin “sükanı arxasına” keçmək təklif olunmayıb?
– Mən fikirləşərəm. Çünki komanda elə bir vəziyyətdədi ki, bunun altına girməyə başdan çox, ürək lazımdı.
– Bu ürək də sizdə var axı…
– Bu ürək məndə var. Baxma da mən də şir ürəyi yeməmişəm. Bəzən mən də qorxuram.
– Onu da nəzərə almaq lazımdı ki, millini çalışdırmaq hər adama qismət olmur…
– Bunu bilirəm. Bir şeyi unutmayın ki, neçə illərdi yığdığım reytinqi bir dəqiqədə korlamaq istəmirəm.
– Düşünürsüz ki, milliyə görə reytinq korlamağa dəyməz?
– Yox, yox. Azərbaycan millisində işləmək hər bir məşqçinin şərəf yeridi. Bunu unutmayın. Ancaq yadınızdan çıxmasın ki, 7 ildi Foqtsun komandaya oturtduğu fəlsəfəni asanlıqla çıxarmaq olmayacaq.
– Çıxış yolunu həmin fəlsəfəni kotanın qabağına verməkdə görürsüz?
– Məşqçi Azərbaycan futbolçusunu dərindən tanımalıdı. Əcnəbi məşqçi burada heç nə edə bilməyəcək.
– Böyükağa müəllim, bu fikirlərinizi AFFA rəhbərliyinə mesaj olaraq göndərmək olar?
– Xeyr. Xahiş edirəm AFFA rəhbərliyinə mənim adımdan mesaj verməyin. Mənim qabiliyyətim, iş bacarağım buna imkan verirsə, məni özləri axtarar. Yox, məndən yaxşısı varsa, onu gətirərlər və Azərbaycan millisini düzəldər.
– Sizdən yaxşıları kimlərdi?
– Məndən yaxşı var. Mən demirəm ki, Azərbaycanda yekəm. Gərək öz seçimləri düzgün olsun.
– İndi təklif irəli sürülsə, bunu dərhal qəbul etməyəcəksiz?
– Fikirləşmək lazımdı. Hər kim girirsə, ağır yük altına girir.
– “Neftçi”də qazandığınız təcrübə, uğurlar bu yükü qaldırmağa bəs etməz ki?
– Edər. “Neftçi” bu gün respublikanın ən ağır komandalarından biridi. “Neftçi” flaqmandı, azarkeşi çoxdu. Nəzərə almaq lazımdı ki, “Neftçi”də olan tələb millidən az deyil.
EMİN SƏFƏROV
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?