Premyer-liqa
Xaqani Məmmədov hakim səhvini etiraf etdi
Topaz Premyer Liqasının hər turunun kobud hakim səhvləri ilə yad…
Topaz Premyer Liqasının hər turunun kobud hakim səhvləri ilə yadda qaldığını desək, yanılmarıq. Futbolinfo.az xəbər verir ki, buna qədər ciddi səhvlərlə yadda qalan ədalət təmsilçiləri Hakimlər Komitəsi tərəfindən növbəti turda elitaya yox, birinci diviziona "məzuniyyətə" göndərilir.
Bu turda da ən yaxşı hakimlərdən hesab edilən Rəhim Həsənovun bileti kəsildi. "Qəbələ" – "Araz Naxçıvan" matçında kobud səhvlərlə yadda qalan Rəhimov bir neçə tur Premyer Liqa üzünə həsrət qalmışdı. İş burasındadı ki, Rəhim bəy bu dəfə də cəzalanıb. Yaxşı hakim qıtlığının olduğu bir zamanda Həsənov "Bakılı" – "Şuşa" oyununda fit çalacaq. Buna səbəb isə referinin "Qarabağ" – "Qəbələ" mqtçında etdiyi səhvlərdi. Düzdü, komitə sədri Xaqani Məmmədov saytımıza açıqlamasında aparıcı hakimlərin diviziona göndərilməsinin cəza metodu olmadığını bildirdi. Amma o, eyni zamanda Həsənovun ötən turda kobud səhv etdiyini etiraf etdi. Belə ki, fit sahibi "Qarabağ" – "Qəbələ" matçında ev sahibinin bir futbolçusunu cəzalandırmalı və Ağdam klubunun qapısına cərimə zərbəsi təyin etməliymiş. Penaltiyə gəldikdə isə Məmmədov həmin epizodda Rəhim Həsənovun doğru qərar qəbul etdiyini bildirməklə kifayətləndi. Bundan başqa Xaqani bəy Həsənovun növbəti turda böyük ehtimalla elita matçına təyinat alacağını da gizlətmədi.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”