Müsahibə
Leroy Corc: "İndi artıq 2 səviyyəli forvardımızın olduğunu deyə bilərik"
“Qarabağ”ın hollandiyalı futbolçusu Leroy Corc T…
“Qarabağ”ın hollandiyalı futbolçusu Leroy Corc Topaz Premyer Liqasının 9-cu turu çərçivəsində keçirilən “Xəzər Lənkəran”la oyundan (3:2) sonra jurnalistlərin suallarını cavablandırıb. Futbolinfo.az sizi həmin müsahibə ilə tanış edir.
– "Xəzər Lənkəran"la oyunu necə şərh edərdiz?
– Çox çətin oyun keçdi. İlk 20-25 dəqiqə ərzində rəqib elə də yaxşı oynamasa da, qol şansları yarada bildi, amma bu imkanlardan yaxşı istifadə edə bilmədilər. Əksinə, biz ilk yarıda yaxaladığımız 4 şansdan 3-ünü qola çevirdik. Bu, yaxşı nəticə və keyfiyyətli oyun deməkdi. Bununla belə, fasilədən sonra qapımızdan 2 top buraxdıq. Ona görə də ikinci hissədə bizim üçün çətin anlar yaşandı.
– Fasilədən sonra nə baş verdi ki, qapınızdan ardıcıl 2 top buraxdız? Ola bilərmi ki, komanda yorğun idi, ya necə?
– Belə düşünmürəm. Komandada elə də yorğunluq yox idi. Məncə, bu, normal haldı. Çünki hesabda 3:0 öndə olan komandada bir növ arxayınlıq baş verir və müəyyən mənada rəqibi qiymətləndirməmə olur. Bundan isə rəqib faydalanır. Amma qapımızda 2 top gördükdən sonra yenidən bütün diqqətimizi oyuna yönəltdik, hamımız yaxşı çalışdıq və qələbə qazandıq.
– Avropa Liqasının “Dnepr”lə görüşü öncəsi Bakıda keçirdiyiniz son məşqdə qapıçınız İbrahim Şehiçlə toqquşmada başınızdan zədələnmişdiz. Hazırda vəziyyətiniz yaxşıdı?
– Deməzdim ki, 100 faiz, amma əvvəlkinə nisbətən daha yaxşıyam.
– Bu zədə səbəbindən Ukraynadakı oyunda çıxış etmədiz. Həmin vaxt vəziyyətiniz çox pis idi?
– "18-lik"də yer almadım. Komanda həkimləri məni oyuna salıb, risk etmədi. Çünki çətin matç olacaqdı. Onlar istirahət etməyimi məsləhət gördülər. Amma indi daha yaxşıyam.
– Sizi daxili çempionatda da gərgin qrafik gözləyir. Çərşənbə günü liderlikdən kənarlaşdırdığınız “İnter”lə, həftəsonu autsayder “Araz Naxçıvan”la qarşılaşacaqsız. Noyabrın 6-da isə “Dnepr” qonağınız olacaq. Belə sıx qrafik sizin üçün problem yaratmayacaq ki?
– Ümid edirəm ki, yox. Əslində, bu, futbolçu üçün yaxşı hal sayılmalıdı. Əgər peşəkar futbolçusansa, belə qrafikdə oynamaq sənin üçün maraqlı olmalıdı. İdmançı tək məşqdə yox, oyun zamanı da öz peşəkarlığını ortaya qoymalıdı. Bu matçlarda da yaxşı nəticə qazanıb, azarkeşlərimizi sevindirmək istəyirik.
– Yeni transferiniz İnnosent Emeqara ikinci rəsmi oyununda dubl etdi. Sizcə, onun "Qarabağ"a çox köməyi dəyəcək?
– Düşünürəm ki, bu, yaxşı haldı. O, ilk oyunlarındaca 2 qol vurmaqla özünə inam qazandırdı. Bu, komanda üçün də yaxşıdı. Buna kimi hücum xəttində yalnız Reynaldo vardı. İndi artıq 2 səviyyəli forvardımızın olduğunu deyə bilərik. Belədə bəzi hallarda bugünkü kimi Reynaldonun istirahət etmək imkanı olacaq. Hesab edirəm ki, onun gəlişi komanda üçün çox yaxşı olacaq.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”
- Ölkə futbolu2024-04-23 08:00
“Səbail” “Sabah”a uduzsa…