Əvəzedicilər
Baş məşqçi "Neftçi"nin uğursuz çıxışının səbəblərini açıqladı
"Neftçi"nin əvəzedici komandasının baş məşq&cc…
"Neftçi"nin əvəzedici komandasının baş məşqçisi Elşad Əhmədov çari çempionatdakı çıxışları ilə bağlı maraqlı açıqlamalar verib. Futbolinfo.az saytına danışan təcrübəli çalışdırıcı çempionat başlayandan indiyə kimi göstərdikləri çıxışın və qazandıqları nəticələrin qənaətbəxş olmadığını deyib:
"Oyunlarımız qənaətbəxş deyil. Amma vacib olan əsas komandaya perspektivli futbolçular yetişdirməkdi və bizə də bu tapşırılıb. Buna baxmayaraq, yenə də yaxşı nəticələr qazanmalıyıq. Bura "Neftçi"di və burada həmişə yaxşı nəticə tələb olunur. Mən də qazanılan nəticələrdən narazıyam. Hər oyun səhvlərdən qol buraxırıq. Hələ ki, istədiyimiz oyunu alındıra bilməmişik".
O, növbəti turdakı "Simurq" matçına ancaq qələbə üçün çıxacaqlarını deyib: "Qələbə qazanmağı hədəfləyirik. Adi bir oyun kimi gedib oynayacağıq. Əgər "Neftçi"sənsə, səndən qələbə gözləyirlər. Elə bir oyun yoxdu ki, ondan heç-heçə, yaxud məğlubiyyət gözləyək".
Əhmədov bu xal itkilərinin zələlilərlə bağlı olmadığını deyib: "Yox, zədəlilərimiz çox olmadı. Çoxlu 1997-cil təvəllüdlü uşaqlar götürmüşük. Komandanın çoxu onlardan ibarətdi. Klub prezidenti Sadıq müəllimlə söhbətimiz oldu, o da dedi ki, əsas məqsədimiz əsas komandaya futbolçular yetişdirmək, perspektivli uşaqları yetişdirmək olsun. Əlbəttə ki, bununla yanaşı, mövsümü də sonlarda başa vurmaq istəmirik. "Neftçi"dəsənsə, yuxarı pillələrdə olmalısan".
O, məşq zamanı ayrıca meydançanın kənarı ilə qaçan 3 futbolçunun durumu ilə bağlı da məlumat verib: "Bəli, meydançanın kənarında qaçan o 3 uşaq zədəlidi. Düzdü, zədəlilərimiz var. Amma bu o demək deyil ki, biz zədəlilərə görə uduzuruq. Bayaq dediyim zədəlilər növbəti matça kimi hazır ola bilməyəcəklər. Onların ikisi "İnter"lə keçirdiyimiz yoxlama matçında zədəlinib, o biri isə çoxdan".
Qeyd edək ki, "Neftçi"nin əvəzediciləri geridə qalan 11 turda cəmi 10 oyun keçirib və onların 3-də qalib gəlib, 3-də heç-heçə edib, qalan 4 görüşdə isə məğlubiyyətlə üzləşib. Komanda hazırda 7-ci pillədə qərarlaşıb.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?