Milli komanda
Elxan Məmmədovun daha bir oyunu
Azərbaycanın gənclər yığmasına yeni baş məşqçinin tə…
Azərbaycanın gənclər yığmasına yeni baş məşqçinin təyinatı yubanır. Ötən il dekabrın 16-da Bernard Lippertin xələfinin adı dəqiqləşməli olsa da, hələ ki, AFFA gözləmə mövqeyi tutur.
Əslində, bütün yerli namizədlər bəllidi. Şahin Diniyev, Nazim Süleymanov və Əsgər Abdullayevin adları olan siyahı çoxdan katibliyə təqdim olunub. Amma baş katib Elxan Məmmədov millini ya hansısa əcnəbiyə, ya da neçə illərdi aşağı yaş qruplarında vaxt keçirməsinə baxmayaraq, heç bir uğuru olmayan Yaşar Vahabzadəyə tapşırmaq istəyir. Onun adı Məşqçilər Komitəsinin namizədlər siyahısına 4-cü şəxs kimi məhz baş katibin istəyi ilə salınıb.
Digər 3 namizəd qala-qala ancaq millinin baş məşqçilərini, Məmmədovu tərifləməklə gündəmdə olan Vahabzadəni önə çıxarmağın başını ağrıdacağını bilən Elxan bəy bilərəkdən gözləmə mövqeyi tutur. O, digər namizədlərin geri çəkiləcəyini gözləyir. Əks halda onların qarşısına elə şərt qoyulacaq ki, imtinadan başqa yolları qalmasın. Bu da mümkün olmasa, baş katib hansısa əcnəbini bu posta yerləşdirməyə cəhd edəcək.
Baş katibin bu addımı başadüşüləndi. Gənclər millisinin baş məşqçisi gələcəkdə əsas komandanın başına keçməyə əsas namizəd sayılır. Həmin şəxs 21 yaşlılarla uğurlu iş qursa, hər an büdrəmək perspektivinə malik olan Robert Prosineçkini əvəzləmək üçün əsas namizəd olacaq. Bu isə baş katibə sərf etmir. Vahabzadəni birtəhər başdan etmək olar – öz kadrıdı. Həm də bu adamın, ümumiyyətlə, uğur qazanmaq şansı yoxdu. Əcnəbi isə Elxan bəyin işinə yarayır. Əks halda baş katibin əsas qazanc yeri olan yağlı post əlindən çıxa bilər.
Diniyev, Süleymanov və ya Abdullayev bacarıqlı məşqçilərdi, onların uğur qazanmaq şansı var. Belədə sabah əsas milli söhbəti ortaya çıxanda Məmmədov ictimaiyyətin təzyiqi qarşısında dayana bilməz. Onlardan hansınınsa gənclər millisinə gəlməsi, gələcəkdə isə Prosineçkini əvəz etməsi baş katibin “biznes-plan”ına zərbə olardı. Ona görə də o, tədbirini bəri başdan görmək istəyir.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”
- Ölkə futbolu2024-04-23 08:00
“Səbail” “Sabah”a uduzsa…