“Qarabağ” Topaz Premyer Liqasında DÇ-2014-ün seçmə mərhələ oyunları üzündən yaranan fasilədən yararlanaraq AZAL-la yoxlama oyunu keçirib. Müxtəlif millilərə gondərilən 10 futbolçunun xidmətindən məhrum olan Ağdam təmsilçisi Şüvəlanda baş tutan görüşdə fərqli heyətlə meydana çıxıb.
Görüşün ilk yarısında Cavid Tağıyev və Viktor İbekoyi fərqnəyib və “təyyarəçilər” fasiləyə üstün yollanıb. II hissənin startında AZAL daha bir dəfə fərqlənib. Bundan sonra Reynaldo və Kapalonqo 2 qol vursa da, ağdamlılar məğlubiyyətdən qaça bilməyib – 2:3.
