“Şamaxı”nın baş məşqçisi Ayxan Abbasov klubla yolları ayırıb.
Futbolinfo.az xəbər verir ki, bu barədə “Şamaxı”nın yaydığı açıqlamada bildirilib.
44 yaşlı mütəxəssislə müqavilə müddəti başa çatıb.
“Klubumuz adından Ayxan Abbasova komandamızdakı fəaliyyəti dövründə göstərdiyi xidmətlərə görə təşəkkür edir, gələcək karyerasında uğurlar arzulayırıq” – deyə açıqlamada qeyd edilib.
Azərbaycan milli komandasının baş məşqçisi olan Abbasov 2024-cü ildən “Şamaxı”da işləyirdi.
