“La Gazzetta dello Sport” qəzetinin verdiyi məlumata görə, “Bornmut”un sabiq baş məşqçisi Andoni İraola “Milan” əvəzinə “Kristal Palas”a keçmək qərarına gəlib.
Bir neçə gün əvvəl “rossonerilər”in 43 yaşlı ispan menecerə 4 milyon avro dəyərində üç illik müqavilə təklif etdiyi və bir gün əvvəl “Milan”ın bütün müqavilə detallarını dəqiqləşdirmək üçün Londonda İraola ilə gizli görüş keçirdiyi bildirilirdi.
“La Gazzetta dello Sport”un məlumatına görə, İraola İtaliya klubunun rəhbərliyi üçün ən yaxşı seçim olsa da, bu, baş tutmayıb. Deyilənə görə, o, layihənin perspektivlərinə əmin deyil və bunu çox çətin hesab edir. Mütəxəssisin fikrincə komanda yeni rəhbərlik və əvvəllər heç vaxt çalışmadığı liqadakı oyunçularla sıfırdan qurulmalıdır.
İraola “Kristal Palas”a keçmək qərarına gəlib və açıqlamanın bu gün veriləcəyi ehtimal olunur. O, klubdan ayrılan Oliver Qlasneri əvəz edəcək. London klubu ona Premyer-Liqada işləməyə davam etmək və həmçinin iddialı büdcə ilə transfer bazarına daxil olmaq imkanı təklif edir. Son mövsüm Premyer-Liqada 15-ci yerdə olan klubun “Milan”ın transfer büdcəsindən üç dəfə çox olduğu bildirilir.
