“Qarabağ” daha bir transferi reallaşdırmaq üzrədir.
Futbolinfo.az xəbər verir ki, bu barədə Polşa mətbuatı məlumat yayıb.
“Qornik”in sol vingeri Taofeek İsmaheel karyerasını ölkəmizdə davam etdirməyə yaxındır. Klublar arasında danışığın, demək olar ki, yekunlaşdığı vurğulanır. Ötən mövsümü icarə əsasında “Lex”də keçirən 26 yaşlı nigeriyalı futbolçu “Qornik”ə qayıtmayıb.
İsmaheelin keçidi reallaşdırmaq üçün artıq Bakıya gəldiyi qeyd olunub. Lakin transferin detalları barədə məlumat verilməyib.
Qeyd edək ki, transfer dəyəri 1,5 milyon avroya bərabər olan Taofeek İsmaheelin “Qornik”lə müqavilə müddəti 2027-ci ilin yayına qədərdir.
Taofeek daha öncə Norveç, Fransa və Belçikanın müxtəlif komandalarında oynayıb.