Ölkə futbolu
“Qəbələ” türkmənlərlə sülh bağladı
Antalyada hazırlıqlarını davam etdirən “Qəbələ” bu…
Antalyada hazırlıqlarını davam etdirən “Qəbələ” bu gün toplanış çərçivəsində 7-ci və son yoxlama oyununu keçirib. Futbolinfo.az xəbər verir ki, “qırmızı-qaralar” Türkmənistanın yüksək liqasında çıxış edən “Altın Asır” klubu ilə qarşılaşıb.
Görüş qarşılıqlı hücumlarla başlasa da, oyunun ilk yarısında “Altın Asır” böyük üstünlük qazana bilib. Türkmənistan çempionu 27 və 35-ci dəqiqələrdə vurduğu qollarla 2:0 hesabı ilə önə keçib. İkinci qoldan sonra qəbələlilər fərqi minimuma endirə biliblər. Asiyalıların qapısına təyin olunan penaltini Cavid Hüseynov dəqiq yerinə yetirə bilib. Bundan sonra irəli atılıb, fasiləyədək hesabda tarazlıq yaratmaq istəyən “qırmızı-qaralar” topu öz qapısında görüb. “Altın Asır” futbolçuları 43-cü dəqiqədə fərqi yenidən ikiyə çatdırıb. İkinci hissəyə daha fəal başlayan komandamız qısa müddətdə hesabı bərabərləşdirməyə müvəffəq olub. Ukraynalı Ruslan Fomin 10 dəqiqə ərzində iki dəfə rəqib qapısına yol tapıb. Hücumçumuz əvvəl 54-cü, sonra 63-cü dəqiqədə fərqlənməyə nail olub. Bundan sonra komandaların səylərinə baxmayaraq, hesab dəyişməyib – 3:3. Beləliklə, toplanışa qolsuz heç-heçə ilə başlayan “Qəbələ” Antalya hazırlıqlarını məhsuldar bərabərliklə başa vurub.
Qeyd edək ki, bu il Antalyada PSV-nin (Hollandiya) ikinci komandası ilə qolsuz heç-heçə edib, Türkiyə “Əskişəhərspor”una 1:3, Rusiya “Kuban”ına 0:2 hesabı ilə uduzan Roman Qriqorçukun yetirmələri “Vorskla”nı (Ukrayna) 2:1, “Adanaspor”u (Türkiyə) 3:2, “Haladaş” (Macarıstan) 2:0 hesabı ilə məğlub edib.
Yoxlama oyunu
27 yanvar
“Qəbələ” – “Altın Asır” (Türkmənistan) – 3:3
QOL: Cavid Hüseynov, 40-p., Ruslan Fomin, 54, 63
QOL: Cavid Hüseynov, 40-p., Ruslan Fomin, 54, 63
“Qəbələ”: 22. Dmitri Bezotosnı (30. Anar Nəzirov), 7. Ruslan Əmircanov (90. Ekiqo Ehiosun), 44. Rafael Santos, 15. Ruslan Abışov, 16. Ruslan Tağızadə (34. Ürfan Abbasov), 4. Elvin Camalov, 19. Aleksey Qay, 14. Cavid Hüseynov, 32. Mixail Sivakov (9. Viktor Mendi) , 27. Bəxtiyar Soltanov, 18. Ruslan Fomin.
Ehtiyat oyunçular: 1. Kamran Ağayev, 5. Sadiq Quliyev, 25. Adrian Ropotan, 6. Rəşad Sadiqov, 12. Aleksandru Benqa, 17. Qismət Əliyev, 99. Tellur Mütəllimov, 23. Emin Zamanov, 87. Bəhlul Mustafazadə, 13. Murad Musayev.
![blank](https://futbolinfo.az/wp-content/plugins/wp-fastest-cache-premium/pro/images/blank.gif)
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?