Ölkə futbolu
Klublar Komitəsi futbolçuların maaşına limit qoyur – ÖZƏL
Klublar Komitəsi yenə toplanır: bu gün – fevralın 3-də…
Klublar Komitəsi yenə toplanır: bu gün – fevralın 3-də, günorta saat 3-də, həm də 3-cü dəfə… AFFA-nı yeni yaradılmış qurumu hələlik yalnız mənasız müzakirələr meydanı olsa da, hansısa qərar vermək gücündə olmasa da, hər halda, toplaşır.
Tuyqun Nadirovun sədri olduğu Klublar Komitəsinin iclasının gündəliyi açıqlanmasa da, bəzi məqamlar bəllidi. Futbolinfo.az-ın əldə etdiyi məlumata görə, tədbirdə bir sıra transfer qaydaları müzakirə olunacaq. “Bakı”nın durumu, klubun təlm-məşq bazasının su təchizatında yaranan problem də iclasda diqqətə alınacaq.
AFFA-nın hüquqşünası Rəmiş Malıyevin dəvətli olduğu iclasa “Topaz”ın da rəhbərliyi çağırılıb. Klubların adının mərc proqramına salınmasına görə bukmeker kontorundan haqq istəyən komitə bəzi məqamları aydınlaşdırmaq istəyir. Ancaq “Topaz”dan kiminsə “Hilton”da görünəcəyi inandırıcı deyil. Çünki onlar müqaviləyə uyğun olaraq, AFFA-ya müəyyən məbləğ ödəyirlər. Sadəcə, baş katib Elxan Məmmədov həmin məbləği klublara çatdırmır, klublara UEFA-dan, FİFA-dan edilən yardımları, sponsorların, eləcə də AFFA-nın xəttiylə gələn pullara qarışdıraraq həzm-rabedən keçirir. Bu səbəbdən iclasa baş katibin çağırılması daha məqsədəuyğun olardı.
Klublar Komitəsinin iclasında müzakirəsi gözlənilən digər məsələ də maraqla gözlənilir. Belə ki, qurum üzvləri Topaz Premyer Liqasında çıxış edən futbolçuların maaşına hədd qoymaq niyyətindədi. Amma hamıya deyil, yalnız 21 yaşadək olanlara. Klub rəhbərləri bu gənclərə veriləcək ən yüksək və ən minimal maaşı öz aralarında razılaşdırmaq niyyətindədi.
- Milli komanda2024-05-03 08:00
Vay(ss) bizim halımıza?
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq