Ölkə futbolu
"Rikardinyo pula görə "Qəbələ"ni seçib"
"Qəbələ"nin azad agent kimi heyətinə qatdığı Rikardi…
"Qəbələ"nin azad agent kimi heyətinə qatdığı Rikardinyonun meneceri İsveçli jurnalist Maks Viman tərəfindən tənqid olunub. Futbolinfo.az xəbər verir ki, isveçli həmkarımız bu keçidi belə şərh edib:
"Rikardinyonun agenti müştərisini baha qiymətə satmaq üçün dəridən-qabıqdan çıxdı. Belə ki, Çempionlar Liqasında "Olimpiakos"la oyundan sonra Rikardinyo "Malmö" ilə müqavilə yeniləmək istəmədi. Mən əminəm ki, bunu onun agenti etdi. Daha sonra heç nə baş verməmiş kimi klubdan getdi".
O, Rikardinyonun "Qəbələ"yə pula görə getdiyini də vurğulayıb: Azərbaycanın ən tanınmış klubu "Qarabağ"dı. Onlar bu il Avropada da yaxşı təsir bağışladılar. Amma Rikardinyo həmin kluba yox, 9 komandanın mübarizə apardığı Azərbaycan çempionatının 6-ci yerində qərarlaşan "Qəbələ" klubuna keçib. Azərbaycan çempionatında pul var. Mən bilirəm ki, Rikardinyonun ora getməsinə məhz pul amili təsir edib".
Qeyd edək ki, Rikardinyo kimi tanınan futbolçu Braziliyanın “Koritiba” klubunun yetirməsidi. O, 2003-cü ilədək klubun yeniyetmə və gənclər, 2003-09-cu illərdə əsas komandasında çıxış edib. 2007-ci ildə isə müdafiəçi icarə əsasında “Atletiko”nun (Mineyro) şərəfini qoruyub. Braziliyalı “Koritiba”da 2 dəfə Paranaense çempionu titulunu qazanıb. 2009-cu ildə legioner karyerası yaşamaq üçün Avropaya üz tutan Rikardinyo İsveçin “Malmö” klubu ilə müqavilə imzalayıb. Ötən ilin oktyabrında İsveç vətəndaşlığı alan futbolçu “Malmö”də çıxış etdiyi 5 ildə 3 dəfə (2010, 2013, 2014) ölkə çempionu, 2 dəfə (2013, 2014) Superkubok qazanaıb. Rikardinyo avrokubok təcrübəsinə də malikdi. Braziliyalı qitə miqyaslı turnirlərdə 26, İsveç klubunda isə 200 oyun keçirib.