Ölkə futbolu
Qiyam davam edir: Əzimovdan üzr istəyənlər oynayacaq
Topaz Premyer Liqasının 28-ci turunda baş tutacaq “Bakı&rdqu…
Topaz Premyer Liqasının 28-ci turunda baş tutacaq “Bakı” – "Qarabağ" oyununa saatlar qalsa da, paytaxt təmsilçisində qeyri-müəyyənlikdi. Meydan sahiblərinin düşərgəsində elə olaylar baş verir ki, hətta bu matçın baş tutması sual altındadı.
İki gündü “Bakı” futbolçuları məşqləri boykot edib. Onlar maaşlarını ala bilmədikləri üçün ağdamlılarla görüşə çıxmaq istəmir. Baş məşqçi İbrahim Uzunca da buna görə istefaya göndərilib. O, futbolçularla əlbir olmaqda günahkar bilinir.
Qəfil baş verən hadisələrin səbəbini öyrənmək üçün “Bakı”dan heç kimi tapa bilmirik. Komanda rəhbərliyi çoxdan qeybə çəkilib, faktiki futbolçular başlı-başına qalıb. “Bakı”nın problemlərinin həlli ilə yenə Yaşar Seyidov məşğuldu.
İcraçı direktor bir müddət öncə istefa vermiş və ərizəsi klub prezidenti Hafiz Məmmədov tərəfindən qəbul olunmuşdu. Amma sonradan klubun yiyəsiz qaldığını görən Seyidov öz istəyi ilə geri qayıdıb, istefada olmasına baxmayaraq, işlərə rəhbərlik edirdi. Elə bugünkü baş məşqçi dəyişikliyini də o edib. Uzuncanın futbolçuları məşqə çıxarmaq üçün heç bir cəhd etmədiyini görən Yaşar bəy onu dağılmış “Lokomotiv”in, eləcə də “Bakı”nın sabiq baş məşqçisi Novruz Əzimovla əvəzləyib.
“Qarabağ”la oyunöncəsi “Bakı”nın oyunçularının hansı əhvalda olması aydındı. İndi Əzimov 2 gündü məşq etməyən futbolçularla liderə müqavimət göstərməlidi. Ancaq iş ondadı ki, futbolçuları hələ bu matça çıxmağa razı salmaq lazımdı. Bu dəyişikliklər barədə ətraflı danışmayan Yaşar bəy futbolinfo.az-a açıqlamasında qısaca bunları dedi: “Səhvini boynuna alıb üzr istəyənlər komandaya qaytarılacaq”.
Düzü, futbolçuların inadından dönməyəcəyi halda oyunun taleyinin necə olacağı çox maraqlıdı. Amma o da var ki, bu məsələdə oyunçuları da dinləmək lazımdı. Yiyəsiz klubun ortada qalmış futbolçuları böyük məbləğdə olmayan əməkhaqqılarını istəyirlər və onları qınamaq olmaz. Çünki onlar faktiki bütün mövsümü yalançı vədlərlə keçiriblər. Son olaraq AFFA onların maaşını ödəməyi boynuna götürmüşdü. Assosiasiya rəsmiləri isə yanvarın maaşını verməyib. Elə futbolçuları narazı salan da budu.
FƏRİD
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?