Premyer-liqa
"Qəbələ" AFFA-dan narazıdı: "Ədalətli qərar qəbul edilməyib"
AFFA İntizam Komitəsinin sonuncu iclasında Premyer Liqanın 28-ci t…
AFFA İntizam Komitəsinin sonuncu iclasında Premyer Liqanın 28-ci turunda qeydə alınan qayda pozuntularına görə bir sıra qərarlar qəbul olunub. Maraqlıdı ki, "Simurq"la oyunda rəqibini bilərəkdən vuran "Neftçi"nin müdafiəçisi Karlos Kardozoya 1 oyunluq cəza verilib. Braziliyalı 6 ay müddətində eyni intizamsızlığa yol verərsə, o, 2 matç daha buraxmalı olacaq. Belə çıxır ki, İK Zaqatalada qırmızı vərəqə alan Kardozoya güzəşt edib. Sanki müdafiəçi ilk dəfədi qeyri-futbol fəndlərindən istifadə edir.
Əslində İK-nın obyektiv qərar qəbul etdiyinə şübhə ilə yanaşmaq lazımdı. Çünki cari mövsümdə Kamran Ağayev Qəbələdə baş tutan oyunda "İnter"in futbolçusunu vurduğuna görə 3 oyunluq cəzalanmışdı. Bundan başqa "Bakı" ilə matçda AZAL-ın yarımmüdafiəçisi Rəşad Abdullayev də rəqib oyunçunu söydüyü üçün eyni miqdarda oyun buraxmalı olmuşdu.
Belə çıxır ki, İK həqiqətən də "Neftçi"yə güzəşt edib. Görünür, İK üzvləri "Xəzər Lənkəran"la matçı birtəhər yola verməyi düşünən bakılıların növbəti turda "Qəbələ" qarşısında çətinlik çəkəcəyinə dair siqnal alıblar. “Ağ-qaralar”ın komitə üzvlərindən Kardozoya görə xahiş edildiyi də istisna deyil.
Maraqlıdı, görəsən, 30-cu turda flaqmanın qonağı olacaq "Qəbələ"nin rəsmiləri necə düşünür? İntizam Komitəsi obyektiv qərar qəbul edib?
Saytımıza açıqlama verən "qırmızı-qaralar"ın meneceri Səbuhi Səfiyarlı paytaxt klubundan çəkinmədiklərini desə də, qəbul olunan qərarda şəffaflıq olmadığı fikrindədi: "Bizim üçün fərqi yoxdu. Karlos Kardozo olsa da, oynayacağıq, olmasa da… İntizam Komitəsində hörmətli, illərini futbola həsr etmiş adamlar yer alıb. Adam istəməzdi ki, həmin şəxslər bu cür ədalətsiz qərarlar qəbul etsinlər. Belə hadisə bizim də başımıza gəlib. Yadınızdadısa, Kamran Ağayev "Qəbələ"də çıxış edərkən eyni hərəkəti etmişdi. Düzdü, o, oyun epizodunda olmuşdu, özünü müdafiə üçün atılmış addım idi. Ancaq Kardozonun addımı rəqibə qarşı konkret aqressiv hərəkət idi. Bilərəkdən rəqib futbolçuya xəsarət yetirməq məqsədi ilə onu vurub. Maraqlıdı ki, Kamrana 3 oyunluq, buna isə 1 matçlıq cəza verirlər. Rəşad Abdullayev rəqibi söydüyü üçün 3, Kardozo vurduğu üçün bir qarşılaşmanı buraxır. Burdan da görünür ki, ədalətli qərar qəbul edilməyib. Ədalətli qərar qəbul etməyən komitənin üzvlərinə də hörmətlə yanaşmaq bir az şübhəlidi. "Neftçi" gücləndi, zəiflədi, kimsə oynadı, ya da oynamadı – bu, bizim üçün önəmli deyil. Önəmli olan ədalətin pozulmamasıdı".
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- I Liqa2024-04-30 14:45
“Araz Saatlı”nın məşqçisinə 2 oyunluq cəza
- Milli komanda2024-05-01 18:44
Milli komandamızın baş məşqçi postuna əsas namizəd bəlli oldu
- I Liqa2024-05-01 11:25
I Liqada 24-cü turun təyinatları müəyyənləşdi