Premyer-liqa
Vaqif Qasımov: "İntizam Komitəsinin qərarları qərəzlidi"
AFFA İntizam Komitəsinin birbaşa qırmızı vərəqə alan "Ne…
AFFA İntizam Komitəsinin birbaşa qırmızı vərəqə alan "Neftçi"nin müdafiəçisi Karlos Kardozaya 1 oyunluq cəza verməsini digər klublar heç də birmənalı qarşılanmır. Düzdü, İK brazliyalıya 2 oyunluq da şərti cəza verib. Yəni Kardozo növbəti 6 ay ərzində eyni intizamsızlığa yol versə, şərti olan cəza qüvvəyə minəcək. Amma bu, bir növ “Neftçi”yə güzəşt hesab olunur.
Bunu saytımıza açıqlamasında AZAL-ın vitse-prezidenti Vaqif Qasımov da deyib. Onun fikrincə, İK qərəzli qərarlar qəbul edir. Görünür, yaxınlarda Rəşad Abdullayevə 3 oyunluq cəza verilməsi Qasımovu özündən çıxarıb. Haqlıdı da, birbaşa qırmızı vərəqəyə görə 1 oyunluq cəza verilməsi absurddu.
"Mən bu qərarları başa düşə bilmirəm. Rəşad Abdullayev heç kimi söyməmişdi. Üzə vururlar, döyürlər, söyürlər, ifadəmə görə üzr istəyirəm, camaata …in göstərirlər (“Neftçi”nin futbolçusu Julis Vobayı nəzərdə tutur – red.), amma bir tədbir görən olmur. Bunlar qərəzlidi. Düzgün qərar deyildi. İntizam Komitəsi belə qərar qəbul etmişdi də. Buna görə onlarla dalaşmayacam ki. Komandanı qırırlar da. Başlamışdıq oynamağa, oyun nümayiş etdirməyə… Bu nədi, mən bilmirəm”.
Qeyd edək ki, Kardozo Topaz premyer Liqasının ötən – 28-ci turundakı "Simurq"la oyunda rəqib futbolçu Cihan Özkaranı vurduğu üçün bir başa qırmızı vərəqə alaraq, meydandan qovulmuşdu.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”
- Ölkə futbolu2024-04-23 08:00
“Səbail” “Sabah”a uduzsa…