Müsahibə
Risto Ristoviç: Hakimlər çox səhv edirlər
Topaz Premyer Liqasının 10-cu turu çərçivəsində ke&…
Topaz Premyer Liqasının 10-cu turu çərçivəsində keçirilən “Bakı” – AZAL oyunundan sonra meydan sahiblərinin futbolçusu Risto Ristoviç oyun haqda fikilərini futbolinfo.az saytına bölüşdü:
– AZAL ilə oyun sizin üçün necə keçdi?
– Çətin görüş olacağını bilirdik. Amma oyun bizim üstünlüyümüzlə keçdi. Futbolçularımız meydanda bütün gücləri ilə vuruşdular.
– Bəs niyə qələbə qazana bilmədiniz?
– İki qol vurduq. Ancaq sonradan iki qol vuraxıb, heç-heçə etdik. Sadəcə, bəxtimiz gətirmədi. Ələ düşən qol imkanlarından lazımınca istifadə edə bilmədik.
– “Bakı” ötən il tarixinin ən uğursuz mövsümünü yaşadı. Bu mövsüm artıq problemlərin aradan qalxacağı gözlənilsə də, deyəsən, ciddi dəyişiklik yoxdu…
– Bəli, ötən mövsüm çox zəif çıxış etdik. Bizdə heç nə alınmırdı. Ancaq bu mövsüm hər şey başqadı. Baş məşqçimiz də dəyişib. Hər şey yaxşıdı. Sadəcə, nəticələrimizi sabitləşdirmək lazımdı. Fikrimcə, zaman keçdikcə, “Bakı” daha da yaxşı oyun nümayiş etdirəcək, uğurlu çıxış edəcək.
– Milinko Pantiçlə çalışmaq necədi?
– Yaxşı. İşini bilən insandı. Bizim üçün də onunla işləmək yaxşıdı.
– Artıq hər oyundan sonra məşqçilər və futbolçuların hakimlərdən şikayət etməsi ənənə halına gəlib. “Bakı” da bu baxımdan tez-tez diqqət mərkəzinə düşür. AZAL-la oyunun hakimliyi barədə nə deyə bilərsiz?
– Hakimlər haqda nə deyə bilərəm? Çox səhvlərə yol verirlər. Başqa nəsə demək istəmirəm.
RÖYA KƏRİMLİ