Ölkə futbolu
Kramarenko vaxt istədi
“Neftçi" Avstriya hazırlığı çərçi…
“Neftçi" Avstriya hazırlığı çərçivəsində keçirdiyi bütün görüşləri məğlubiyyətlə başa vurdu. Son olaraq Ukrayna "Şaxtyor"undan alınan 0:1 hesablı məğlubiyyətdən öncə komandanın qapıçılar üzrə məşqçisi Dmitri Kramarenko klubun rəsmi saytına açıqlama verib:
"Komandamız yenicə yığılıb. Fikrimcə, toplanış səmərəli keçdi. Uşaqlar işə cox ciddi yanaşır və tam gücü ilə məşq edirdilər. Bu da çox sevindiricidi. Amma vaxtımız az oldu. Çünki həmişə futbolçulara nəsə yeni bir şey göstərmək istəyirik. Bu gün "Mladost"la oyundan əvvəl, sonuncu yoxlama matçını keçirəcəyik. Bu qısa müddət ərzində məşqçilər korpusu maksimal dərəcədə işlədilər. Futboçular hər şeyi tez qavrayırlar. Əlbəttə ki, həm müsbət, həm də çatışmayan aspektlər var. Ona görə də mənfi tərəfləri aradan götürmək üçün işləyirik və çatışmayan tərəflər üzərində çalışırıq.
Maksimin və Ruzinin perspektivi var. Onlar bunu başa düşürlər və həm məşqlərdə, həm də yoldaşlıq oyunlarında böyük həvəslə çalışırlar. Gündə 2 məşq keçiririk, elə olur ki, 3 məşqimiz olur. Amma buna baxmayaraq, böyük həvəslə məşq edirlər. Əgər onlar qapıçı sirlərini anlayacaqlarsa, irəli gedə biləcəklər. Azarkeşlərə demək istəyirəm ki, səbrli olsunlar. Çünki komandamız yenidən qurulur. Futbolçular ürəkdən çalışırlar. Bir az vaxt lazımdı ki, futbolçular bir-birini başa düşsünlər. Bizə inansınlar. Bilirik ki, əsas nəticədi. Amma istəyirik ki, hər oyunda bizə dəstək olsunlar. Çünki onlardan çox şey asılıdı. Əbəs yerə demirlər ki, fanatlar komandanının 12-ci oyunçusudu".