Ölkə futbolu
"Neftçi" üçün uğursuz "qardaş"
İyulun 2-də Avropa Liqasının 1-ci təsnifat mərhələsi ç?…
İyulun 2-də Avropa Liqasının 1-ci təsnifat mərhələsi çərçivəsində “Neftçi” “Bakcell Arena”da Çernoqoriya “Mladost”u ilə üz-üzə gələcək. Futbolinfo.az xəbər verir ki, qarşılaşmanı Ali Palabıyıkın rəhbərliyi altında türkiyəli hakimlər briqadası idarə edəcək. Cari ilin əvvəlindən FİFA referisi adını alan Palabıyık ilk dəfədi ki, hansısa komandamızın oyununa təyinat alır.
İndi isə Türkiyədən olan hakimlərin fit çaldığı oyunlarımıza nəzər yetirək. Maraqlıdı, görəsən, "qardaş" dediyimiz türklərin bu oyuna təyinat alması təmsilçimizə nə kimi xeyir verə bilər? Statistikaya nəzər salsaq, görərik ki, türkiyəli ədalət təmsilçilərini komandalarımız üçün hardasa düşərli saymaq olar.
12 dəfə komandalarımızın matçında ədaləti qoruyan fit sahibləri bir dəfə də olsun “sülh”ə şahidlik etməyiblər. Belə ki, 7 dəfə Azərbaycan tərəfinin məğlubiyyətini qeydə alan anadolular, digər 5 halda azarkeşlərimizi sevindirən final fitini səsləndiriblər. Türk hakimlərinin idarə etdiyi oyunlarda təmsilçilərmizin qələbə qazanması faiz nisbəti ilə 41.7-ə bərabərdi.
Məğlubiyyətlərlə zəngin futbol tariximizdə hansısa ölkə hakimlərinin idarə etdiyi matçlarda bu qədər qələbə qazanmağımızı uğur kimi qələmə vermək olar. Ancaq bu o demək deyil ki, futbolçularımız türk hakimlərin səxavətinə arxayın olsunlar. Bu qarşılaşmayadək baş tutan 12 görüşdə qardaş ölkə təmsilçiləri 3 dəfə penalti qərarı verilibsə, bunlardan 2-i bizim, digəri isə rəqib qapısına təyin olunub. Qırmızı vərəqələrin sayında isə bərabərlik var – 1:1. Bundan əlavə, ötən yay Avropa Liqasının pley-off mərhələsi çərçivəsində keçirilən “Partizan” – “Neftçi” oyununda təmsilçimiz 2:1 hesabı ilə öndə olarkən rəqibin vurduğu qol zamanı serbiyalı futbolçu açıq-aşkar ofsaytda olsa da, Hüseyn Göçəkin rəhərlik etdiyi hakimlər briqadası bu qolu saymışdılar və sonda meydanı qələbə (3:2) ilə tərk edən serblər olmuşdu. Cavab oyununda da 1:2 hesabı ilə uduzan bakılılar mübarizəni dayandırmışdı. Həmçinin, bu, türkiyəli hakimlər briqadasının “ağ-qaralar”ın oyunlarına təyinat aldığı ilk matçdı.
Türk referilər sonuncu dəfə mart ayında millimizin Malta ilə görüşündə ədaləti qoruyublar. Həmin qarşılaşmada rəqibindən üstün olmağı bacarmışdı – 2:0. Ümumiyyətlə qardaş ölkəni təmsil edən referilər indiyədək Azərbaycandakı görüşlərimizin 7-də ədaləti qoruyublar ki, bu qarşılaşmalarında 5-də təmsilçilərimiz qalib gəlib, 2-də məğlub olub.
Yekunda türk hakimlərin idarə etdiyi oyunların siyahsına nəzər salaq.
11.06.03. Azərbaycan U-21 0:2 Serbiya və Çernoqoriya U-21 (AÇSO-2004)
06.26.04. “Xəzər Universiteti” 2:1 “Kazino Bregents” (Avstrya) (İntertoto Kuboku)
18.06.05. “Karvan” 1:2 “Lex” (Polşa) (İK)
14.07.05. “Bakı” 1:0 “Jilina” (Slovakiya) (UEFA Kuboku)
14.07.05. “Nistru” (Moldova) 3:1 “Xəzər Lənkəran” 3:1 (UK)
17.08.05. Albaniya 2:1 Azərbaycan 2-1 (YO)
17.06.06. “MKT-Araz” 1:0 “Tiraspol”(Moldova) (İK)
14.10.07. Farer adaları U-21 1:0 Azərbaycan U-21 (AÇSO-2009)
05.08.10. “Qarabağ” 3:2 “Visla”(Polşa) (AL)
21.08.14. “Partizan” (Serbiya) 3:2 “Neftçi” (AL)
10.10.14. İtaliya 2:1 Azərbaycan (AÇSO-2016)
28.03.15 Azərbaycan 2:0 Malta (AÇSO–2016)
06.26.04. “Xəzər Universiteti” 2:1 “Kazino Bregents” (Avstrya) (İntertoto Kuboku)
18.06.05. “Karvan” 1:2 “Lex” (Polşa) (İK)
14.07.05. “Bakı” 1:0 “Jilina” (Slovakiya) (UEFA Kuboku)
14.07.05. “Nistru” (Moldova) 3:1 “Xəzər Lənkəran” 3:1 (UK)
17.08.05. Albaniya 2:1 Azərbaycan 2-1 (YO)
17.06.06. “MKT-Araz” 1:0 “Tiraspol”(Moldova) (İK)
14.10.07. Farer adaları U-21 1:0 Azərbaycan U-21 (AÇSO-2009)
05.08.10. “Qarabağ” 3:2 “Visla”(Polşa) (AL)
21.08.14. “Partizan” (Serbiya) 3:2 “Neftçi” (AL)
10.10.14. İtaliya 2:1 Azərbaycan (AÇSO-2016)
28.03.15 Azərbaycan 2:0 Malta (AÇSO–2016)
ELMAR ABDULLA-ZADƏ
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?