Ölkə futbolu
“Simurq” AFFA-dan cavab gözləyir: Klub sabah fəaliyyətini dayandırdığını elan edə bilər
Topaz Premyer Liqasının yeni mövsümündə “Simur…
Topaz Premyer Liqasının yeni mövsümündə “Simurq” olmaya bilər. Bunu bizimlə söhbətində Zaqatala klubunun mətbuat xidmətinn rəhbəri Rüstəm Allahverdiyev də istisna etmədi.
AFFA prezidenti Rövnəq Abdullayevin yeni dövlət proqramında klublara yardım ayrılması ilə bağlı bəndin olmamasını açıqlamasından sonra vəziyyət bir az da kritikləşib. İqtisadi böhran üzündən onsuz da, can üstündə olan əksər klubların son gümanı dövlət yardımına idi. Amma bu açıqlama çoxunun qol-qanadını qırdı.
Düzdü, çoxdan gözlənilən maliyyə yardımının maddi çətinliklər üzündən indi deyil, sentyabrda ayrılması barədə qeyri-rəsmi məlumat var. Ancaq təbii ki, ovaxtadək milli çempionat başlamalı, bunadək isə hələ klublar da heyət yığıb, hazırlaşmalıdı. Hazırkı durumda xüsusilə AZAL-la “Simurq”un buna imkanı yoxdu. Zaqatala təmsilçisində vəziyyət daha acınacaqlıdı.
Rüstəm Allahverdiyevlə söhbətimizdə bəlli oldu ki, onların ümidi yalnız AFFA-yadı: “Doğrusu, əsas heyətin bütün oyunçuları gedib, əvəzedicilərin ümidinə qalmışıq. Komanda mövsümə hazır deyil – nə tam heyət var, nə məşqçi heyəti. Heyəti formalaşdırmaq üçün lazım olan maliyyəmiz də yoxdu. Rəhbərlik AFFA-nın vəd etdiyi yardımı gözləyir, assosiasiyadan isə dəqiq bir cavab yoxdu. Klub rəhbərliyi ilə danışmışam, bu gün axşama kimi cavab gözləyirik. Maddi cəhətdən kömək olmasa, yəqin ki, sabah rəsmən klubun fəaliyyətini dayandırdığını elan edəcəyik”.
Allahverdiyev konkret rəqəm açıqlamasa da, əldə etdiyimiz məlumata görə, AFFA zaqatalalılara 400 min manatlıq yardım vəd edib, daha sonra isə bu məbləği yarıya qədər azaldıb. “Simurq” rəhbərliyi isə komandanın iddiasız da olsa, mövcudluğunu qoruması üçün hardasa bir milyona ehtiyac duyur. Əsas komanda, əvəzedicilər, eləcə də bütün yaş qruplarından olan komandaların yaşaması üçün başqa variant yoxdu. Özü də pulsuz qalan AFFA-nın bu yardımı edəcəyi, yoxsa daha bir əyalət klubunun dağılmasına göz yumacağı tezliklə bəlli olacaq.
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”