Premyer-liqa
PFL əməkdaşları Gəncə stadionunu baxışdan keçirəcək
Azərbaycan Premyer Liqasının startına az vaxt qalsa da, "Kəp…
Azərbaycan Premyer Liqasının startına az vaxt qalsa da, "Kəpəz"in hələ də stadion problemi tam həllini tapmayıb. Futbolinfo.az xəbər verir ki, qərblilər AFFA-ya əsas meydança kimi Gəncə şəhər stadionunu təqdim edib.
Lakin həmin arenada hazırda təmir işləri gedir. Belə ki, stadionun qazonu futbol oynamaq üçün normal vəziyyətdə olsa da, tribunalar haqqında bu sözü demək olmur.
Hazırda, 25 minlik arenanın tribunasında təmir-tikinti işləri gedir və köhnə oturacaqlar yeniləri ilə əvəzlənir. Komanda 2-ci turda "Zirə" ilə qarşılaşmanı doğma arenada keçirib-keçirməyəcəyi isə hələ bilinmir. Belə ki, növbəti həftə PFL əməkdaşları stadiona baxış keçirib, qərarını verəcək.