Ölkə futbolu
"Qarabağ"ın "Saqqalsızov"unu yaxından tanıyaq
Avropa Liqasının pley-off mərhələsində "Yanq Boyz" (İ…
Avropa Liqasının pley-off mərhələsində "Yanq Boyz" (İsveçrə) – "Qarabağ" (Azərbaycan) komandaları arasında keçiriləcək ilk matç Azərbaycan futbol ictimaiyyətinə tanış hakimə tapşırılıb. Futbolinfo.az xəbər verir ki, qarşılaşmanı idarə edəcək rusiyalı referi Vladislav Bezborodov indiyədək 2 dəfə təmsilçilərmizin iştirakı ilə keçirilən matçlarda ədaləti qoruyub.
42 yaşlı referi hər 2 halda keçirilən "Birlik Kubok"u çərçivəsində "İnter"in görüşlərində fit çalıb. Bezborodov 2011-ci ildə sözügedən turnirdə təmsilçimizin Latviya "Venetsplis"inə və Belarus "Şaxtyor"una qarşı keçirdiyi matçları idarə edib. Baltikyanı ölkə təmsilçisinə qarşı 2:0 hesabı ilə "İnter"in xeyrinə bitən matçda hakim "bankirlər"in 1, rəqibin isə 2 futbolçusunu sarı vərəqə ilə cəzalandırıb. "Şaxtaçılar"la qolsuz bərabərliklə bitən oyunda isə təmsilçimizin 2, rəqibin isə 1 futbolçusuna xəbərdarlıq edib.
2009-cu ildən FİFA referisi statusunu daşıyan fit sahibinin yolu 3 dəfə də isveçrəlilərlə kəsişib. O, bu qarşılaşmalarda 2 dəfə mərkəzi avropalıların qələbəsinə şahidlik edibsə, 1 matçda da "sülh" qeydə alıb.
Ümumiyyətlə, bu qarşılaşma rus hakimin karyerasında 54-cü beynəlxalq matç olacaq. Referi indiyədək həmin oyunlarda 190 sarı və 12 qırmızı vərəqə göstərib. 15 dəfə isə qapılara penalti təyin edib.
Maraq üçün qeyd edək ki, Bezborodov cari mövsümdə "Qəbələ"nin rəqibi olan "Panatinaikos"un da avrokubok matçına təyinat alıb. Ədalət təmsilçisi Çempiolar Liqasının 3-cü təsnifat mərhələsi çərçivəsində Belçika "Brügge"si ilə Yunanıstanda keçirilən qarşılaşmada "ağ-yaşıllar"ın 2:1 hesablı qələbəsi ilə başa çatan görüşü idarə edib. Həmin matçda rusiyalı yunan klubunun 1 futbolçusunu meydandan qovub, digərinə də xəbərdarlıq edib. Buna baxmayaraq, referi 2 dəfə də belçikalıların qapsınıa penalti təyin edib.
Sonda hakimin soyadının tərcüməsini də diqqətinizə çatdırmaq istəyirik – "Saqqalsızov".
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?