Ölkə futbolu
Daşdəmirov: “Onsuz da, nəticə dəyişməyəcək”
Avropa Liqasının qrup mərhələsində Rusiya “Krasnodar&rdquo…
Avropa Liqasının qrup mərhələsində Rusiya “Krasnodar”ından alınan 1:2 hesablı məğlubiyyətdən sonra “Qəbələ”nin müdafiəçisi Arif Daşdəmirov jurnalistlərin bir neçə sualını cavablandırıb. Futbolinifo.az saytının Krasnodara ezam olunmuş müxbirinin verdiyi məlumata görə, dağıstanlı futbolçu məyus olduqlarını gizlətməyib.
O, xüsusilə 2-ci hissədəki oyunlarını qeyd edib: “Birinci hissədə oyunumuz alınmadı. Amma fasilədən sonra ərazi üstünlüyünə yiyələndik. Cavab qolunu da vurduq. Bundan sonra da oyunu diqtə edən tərəf biz idik. Oyunun sonunda qol buraxmaq çox pis təsir edir”.
Daşdəmirov rəqibin onları təəccübləndirmədiyini söyləyib: “Yeni heç bir şey görmədik. Gözlədiyimiz kimi oynadılar. Dodonun hesaba alınmayan ikinci qoluna gəlincə, bunu heç müzakirə etməyə ehtiyac duymuram. Nə edirsən et, onsuz da, hakimlərin qərarı dəyişməyəcək. Elə nəticə də həmçinin”.
Sonda millimizin üzvü Topaz Premyer Liqası barədə də fikirlərini bildirib: “Oyun ağır olsa da, ölkə çempionatının növbəti turunadək bərpa olacağıq. Şəxsən özüm barədə deyə bilərəm ki, bu cür qrafikdə oynamaq problem yaratmır. Növbəti oyuna da tam hazır olacam”.
- Ölkə futbolu2024-05-08 16:22
PFL-lə “YAŞAT” Fondu arasında anlaşma memorandumu imzalandı
- Ölkə futbolu2024-05-09 13:53
“Azərbaycanda həm yaxşı pul qazandım, həm də hörmət”
- Ölkə futbolu2024-05-10 08:00
“Yurqorden” Musa Qurbanlıya qiymət qoydu – 10 milyon kron
- Ölkə futbolu2024-05-08 18:55
“Qəbələ” futbolçuları Gəncədə döyüldü