Premyer-liqa
Müşahidə Şuralarının çempionatı: "Kəpəz" liderdi
Ölkədə vüsət alan “Müşahidə Şurası”n…
Ölkədə vüsət alan “Müşahidə Şurası”nın (MŞ) “xaç atası” Elxan Məmmədov bir sıra klublarda bunu həyata keçiribsə, bəziləri də astanasındadı. Məsələn, “Xəzər Lənkəran”ın vitse-prezidenti Tuyqun Nadirovun Klublar Komitəsinə sədr təyin olunmasından sonra cənublular MŞ-ləşmə yolunda əməli addım atmış oldular. Bilavasitə baş katibin kadrları sayılanlardan isə “Sumqayıt”, “Neftçi” və “Kəpəz”i göstərə bilərik. “Gənclik şəhəri”nin kuratoru Kamran Quliyevdi, “Neftçi”nin “dirijor”u Elnur Məmmədov, “Kəpəz”ə isə Mikayıl Nərimanoğlu nəzarət edir. Bəs baş katibin etibar etdiyi kadrlar özlərini necə göstərə biliblər? Xüsusilə, bu 3 komandanın öz aralarında baş tutan görüşlər maraq doğurur.
“Neftçi”ylə “Kəpəz” ilk turdaca üz-üzə gəldi və qarşılaşmadan qolsuz bərabərliklə ayrıldılar. 3-cü turda Elnur Məmmədovun “Neftçi”si Kamran Quliyevin “Sumqayıt”ını 2:1 məğlub edərək, bu mini-çempionatda xal ehtiyatını 4-ə yüksəltdi. İkinci hissənin əvvəlində Araz Abdullayevlə Rəhman Hacıyevin 2 dəqiqə kəsiyində vurduğu qollara, “Sumqayıt”dan yalnız Nuran Qurbanovun final fitinə 12 dəqiqə qalmış təsəlli topu gəldi.
7-ci turda isə Mikayıl Nərimanoğlu da etimadı doğrultmağı bacardı. Gəncədə “Sumqayıt”la baş tutan görüşdə “Kəpəz” 3:1 hesablı qələbəni bayram etdi. Maraqlıdı ki, Kamran Quliyevin komandası final fitinə 10 dəqiqə qalanadək qənaətbəxş – 1:1 hesabını qoruya bilirdi. Amma ilk qolun müəllifi Junior Osvaldo və hakimin əlavə etdiyi 2-ci dəqiqədə Rəşad Eyubov “Sumqayıt”ın “üçlü çempionat”da sonuncu pilləyə enməsini rəsmiləşdirən qollara imza atdılar. Bu qələbə “Neftçi”ylə xalları bərabərləşdirməsini təmin edən “Kəpəz”in bakılılardan daha yaxşı top fərqinə görə liderliyə sahib olmasını da rəsmiləşdirdi.
1. Kəpəz 2 1 1 0 3-1 4
2. Neftçi 2 1 1 0 2-1 4
3. Sumqayıt 2 0 0 2 2-5 0
2. Neftçi 2 1 1 0 2-1 4
3. Sumqayıt 2 0 0 2 2-5 0
Bu arada, qeyd etmək yerinə düşər ki, Mikayıl Nərimanoğlu və Elnur Məmmədovla nisbətdə Kamran Quliyev daha uzun müddətdi ki, “Sumqayıt”ı idarə edir və təbii ki, daha uğurlu nəricələrə imza atmalı idi. Amma 7 turdan sonra Quliyevin qəbul etdiyi qərar bəlkə də, onun bütün "günahlarını yudu". Çünki baş məşqçi postuna təyin etdiyi Samir Abasov iki favoriti birdən büdrətdi. Əvvəlcə “İnter”lə 1:1-lik bərabərlik, ardınca isə Ramin Musayevə yaxınlığı ilə seçilən “Qarabağ” üzərində 1:0 hesablı qələbə!
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Ölkə kuboku2024-04-24 23:00
“Final iki dostun qarşılaşması olacaq” – Qurban Qurbanov
- Ölkə futbolu2024-04-24 08:00
Musa “Yurqorden”dən ayrılır: “Heç nəyi istisna etmirəm”