Ölkə futbolu
AFFA-nın seçki unutqanlığı
Dünən Milli Məclisə seçkilər günü olması il…
Dünən Milli Məclisə seçkilər günü olması ilə əlaqədar Topaz Premyer Liqası, habelə 1-ci divizionda mübarizə aparan komandaların iştirakı ilə görüşlər təxirə salındı. Hətta duman səbəbinə görə şənbə günü başa çatmayan “Qəbələ” – “Kəpəz” qarşılaşması da seçkilər başa çatdıqdan sonra – saat 20:00-dan etibarən davam etdirildi. Bu da başadüşüləndi. Çünki dövlət əhəmiyyətli tədbirdə həm futbolçular, həm məşqçi heyəti, həm mühafizə xidməti, həm polis əməkdaşları, həm yanğınsöndürənlər, həm də azarkeşlər seçici rolunda çıxış edirlər.
Amma uşaq liqalarında buna rast gəlmədik. Baxmayaraq ki, həmin uşaqların valideynləri, klubun texniki heyəti, hakimlər və s. də potensial seçicilər idi. Dünya praktikasında bu cür hallar yaşandıqda uşaq liqalarında da oyunlar keçirilmir. Bəs, Azərbaycanda niyə bu cür qanun pozuntusuna yol verildi?
Məsələyə aydınlıq gətirmək üçün AFFA-nın Mətbuat və İctimaiyyətlə Əlaqələr Departamentinin rəisi Mikayıl Nərimanoğluyla əlaqə saxladıq. Həmsöhbətimiz 5 yaş qurupu üzrə çempionat oyunlarının təxirə salınmamasına bu cür bəraət qazandırmağa çalışdı: “Gördüyünüz kimi, hətta yarımçıq dayandırılmış “Qəbələ” – “Kəpəz” matçı da seçkilər başa çatdıqdan sonra – saat 20:00-dan davam etdirildi. Ancaq uşaqların çempionatında bir sıra məqamlar var ki, belədə onların iştirakı ilə keçirilən çempionatın təxirə salınmasına ehtiyac yaranmır. Əvvəla, burda ev-səfər prinsipi yoxdu. Yəni, komandaların hamısı faktiki olaraq, evlərinin içində oynayır. Hissələr cəmi 20 dəqiqə davam etdirilir. Bu oyunlara polis, yanğınsöndürənlər cəlb edilmir. Azarkeş sayını da barmaqla hesablamaq olar. Hansısa valideyn övladının oyununu izləmək istəyirsə, burda da problem yoxdu. Ya oyundan əvvəl, ya da sonra kifayət qədər vaxt olur ki, səsvermə hüuququndan istifadə etsin. Həmçinin məşqçi heyətləri də, hakimlər də, təcili yardım əməkdaşları da. Axı hissə cəmi 20 dəqiqə davam edir. Beynəlxalq praktika? Bəli, sizinlə razıyam ki, xaricdə bütün çempionat oyunları, o cümlədən uşaq liqaları qarşılaşmaları da təxirə salınır. Amma ortada kütləvilik amili var. Almaniyanın uşaq liqalarının oyunlarına belə, xeyli sayda azarkeş gəlir. Bizdə isə belə hal müşahidə olunmadığı üçün hər kəs rahat şəkildə səsvermə hüququndan istifadə edə bilir”.
Bu, AFFA-nın mövqeyidi. Amma biz bununla razılaşmırıq. Dövlət əhəmiyyətli tədbirə görə bütün oyunların təxirə salınması, başqa vaxta keçirilməsi vacib idi. Assosiasiya rəsmisi hər nə qədər təmsil etdiyi qurumu məsuliyyətdən uzaq tutmağa çalışsa da, faktiki bu, seçkiyə biganəlikdən, dövlət tədbirini diqqətə almamaqdan başqa bir şey deyil.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-21 11:50
Rəfiyev “Sabah” üçün plan qurub: rəqibinin rəqibini stimullaşdırır
- Ölkə futbolu2024-04-21 10:19
Yeni AFFA rəhbərliyi də əcnəbilərə üz tutdu: hər şey xorvatlara tapşırılacaq
- Ölkə futbolu2024-04-22 08:34
Musa “Yurqorden” dəftərini bağladı?